تجربتى فى الشراء من موقع ستروبري نت

السلام عليكم يا بنات النهارده حبيت اشاركم تجربتى فى الشراء من النت من موقع معروف عالميا و هو موقع ستروبري نت ...سترروبرى نت........

هو عباره عن موقع شامل فيه كل شئ يخص اهتمامك بنفسك

-العنايه بالشعر من شامبو بلسم زيوت معالج وماسك لاقيت فيه كل الماركات الى كنت بفكر اكتشفها و سمعت عنها فى فيديوهات اجنبيه كتير من اوربا و امريكا حتى الماركات الخاصه بالصالونات التجميل برضه لاقيتها موجوده زى ماتريكس الى تكلمت عنه الجميله زهره اليلك فى فيديو ليها  كمان تشى كنت بفكر أجربها


-عنايه بالبشره كل الماركات الى انا شخصيا بحبها كلينيك و كلارنس استى لودر ديور لانكوم حتى الماركات التانيه ،...........

-عنايه بالجسم بادى لوشن شاور جيل سكرب صابونات كريمات و زيوت حبيت من عندهم لوشنات البرفأنات تنباع منفصله و كمان ماركه بليس جميله

ريفيو: أيشادو بيجمنت e.l.f

منتجات ايلف معروفه بأسعارها الرخيصه جدا مقارنه بجودتها ده إلى بيشجع الناس تشتريها و تمدح فيها كتير ........ هل المنتجات على قد المدح ده و لا ﻷ؟ 

السؤال ده هيجاوبكم عليه سلسله ريفيوهات الى جايه فى المدونه هتناول فيها كل المنتجات ايلف الى جربتها لمده سنتين يعنى عرفتها كويس مش بس مجرد تجربه لنده قصيره . 

أتمنى الريفيوهات تجاوب على اسئلتكم كلها 

ريفيو: بنفت مورد الخدود benifit posie tint

مورد الشفايف و الخدود من بنفت يتميز انه بيفضل ثابت لفتره طويله

لونه وردى بينك كريمى هادى لون بارد يمشى مع كل درجات البشره الفاتحه و السمراء  

العلبه زى المانكير فيها فرشاه صغيره خالص 

حجمها 12.5مل 

أفضل 5 عطور نسائيه

ريفيو: كونسيلر بنفت erase paste

السلام عليكم  النهارده ريفيو عن كونسيلر بنفت
اشتريته من فتره قصيره ﻷنى كنت عاوزه اجرب أكتر من نوع ﻷن فى ناس كتير سألونى عن أحسن نوع كونسيلر لمشكله الهالات السوداء تحت العين 

ريفيو : مجموعه جونسون اساسيات التنقل

السلام عليكم يا بنات .....انا عارفه انى الفتره الى فاتت كانت فتره بيات صيفى للمدونه لكن اوعدكم ان الفتره الى جايه هتبقي فيها مواضيع جديده متميزه و مختلفه


النهارده الموضوع خفيف و هو مرتبط بمعاناه شنطه اليد (الهاند باج) دايما بتكون تقيله خصوصا لو عندك اولاد كلنا نفسنا انها تكون خفيفه فنفس الوقت يكون فيها كل حاجه ممكن نحتاجها  ..معادله صعبه

ريفيو: طقم توفيسد dream indulgence

التغليف :
العلبه معدن مثل علبه الكوكيز لونها بينك و عليها نقش بالذهبى شكلها جميل جدا حسيت أنها اضأفت شكل جميل لتسريحه المكياج و خليتها أحلى كمان كونها معدن ده يخليها حمايه للمنتج الى جواها فى السفر و كمان حجمها معقول بالنسبه ان فيها حاجات كتير فحجمها متاسب للسفر  النتج نفسه موجود فى تغليف ورق مقوى و مخليها خفيف الوزن
التقيم 10/10

الايشادو :
16 درجه ايشادو فى الطبقه اﻷولى من الطقم متنوع ما بين الشيمر و المات و المات بجليتر  2 مات و 14 شيمر   الدرجات ما بين النود و البنى والنحاسى و البينك حتى فيه أخضر و أزرق و رمادى و اسود متنوعه جدا
بالتسبه لخامه اﻷيشادو كريمى و بيجمنت قوى و طبعا الشيمر بيكون كريمى أكتر من المات من رأي ان المات لازمه برايمر
الثبات روعه
تقيمى التنوع 10/10
البيجمنت 9/10

البلاشر:
الباليت فيها 2 درجه بلاشر الواحده 4 جم كبير و يفضل كتير الفينش ساتين بدون أى جليتر لكن لمعتها جلو و طبيعيه اﻷلوان المشمشى لون صيفى ممتاز و البينك لون يليق على كل درجات البشره  ثباته على اﻷقل 6 ساعات
تقيمى له 10/10

 

البرونزر :
درجتين متوسط و فاتح مش مناسب للبشره الغامقه بس ده عيبه الوحيد بالنسبه ليا بشرتى متوسطه الدرجتين ناسبونى لكن كنت أفضل تكون واحده منهم مات  هما ساتين فينيش ثابت لمده طويله
تقينى 9/10

الهايلاتر :
ساتين فينش  جليتر ناعم و كريمى و ثابت لمده طويله بيدى ضى صحى و توزيعه سهل و حمجه كمان حجمه 4 جم
التقيم 8

البرايمر :
مش هتكلم كتير عنه ﻷنه معروف الحلو بقى ان حجمه كامل 11 مل لوحده ب 125 ريال
مقارنه بالبرايمر الى جربته قبل كده ممتاز نفس أربن ديكاى و لكن أفضل بكتير مت ايلف
تقيمى 10/10



الفرشاه:
من ناحيه فرشاه بشعر ناعم تنفع للدمج و هى مبططه شوى تنفع لكسره العين  الناحيه التانيه اسفنجيه رفيعه شوى تنفع عشان تسيح الكحل تحت العين
تقيمى 7/10 مش واو  عاديه


السعر   270ريال
متوفره بسيفورا

ملحوظه : الصور الباليت من تصويرى و السواتش من النت
ياريت الى تعجبها المدونه تشترك فيها و اللى عندها اى سؤال او استفسار تبعتلى على تويتر او تعليق تحت الموضوع و هرد انشاء الله

مشترياتى من تو فيسد

السلام عليكم يا أحلى بنات اليوم بوست لطيف و خفيف ﻷنه مشترياتى المت اضعه من توفيسد و هم عباره عن مجموعات كانت نازله فى الكريسماس بس فى الخليج بسيفورا لسه نازله الشهر ده و طبعا كنت اصلا فقدت اﻷمل انى أقدر الاقيها بس كنت بسيفورا و بالصدفه شوفتهم كنت عاوزه أجيبهم كلهم بس مسكت نفسي و انا لسه شارياهم من كام يوم ﻷنه لمده محدوده و كميه محدوده حبيت اصورهالكم بالتفصيل عشان لو حبيتيها تلحقى تجيبيها المهم ندخل ع
الصورل

مجموعه اسمها dream indulegnce:

سعرها 270 ريال بسيفورا
هى عباره عن علبه معدن زى بتاعت الكوكيز فيها طبقتين فوق بعض اﻷولى 16 درجه ايشادو حجمها حلو مش صغير ابدا و الطبقه التانيه فيها درجتين برونزر و درجتين بلاشر و درجه هايلات و برايمر ايشادو كبير و فرشه ايشادو روعه المجموعه دى قيمه أوى

مجموعه اسمها love sweet love:
سعرها 230 ريال  بسيفورا


المجموعه عباره عن شنطه مكياج حجمها وسط مش صغيره و مطرز عليها ت فيسد شكلها عجبنى أوى
كمان فيها ماسكرا لاشجازم لتطويل الرموش حجم كامل
وفرشه بلاشر  شكلها جميل و ناعمه بشكل غريب
برايمر قبل المكياج خافى للمسام
برايمر الايشادو
باليت فيها 6 درجات شادو و 2 بلاشر و 2 جلوس

ك

ريفيو : أفضل ماسكرا من مايبلين

السلام عليكم اولا يا بنات أنا ليا عتاب صغير عليكم ﻷنى بشوف الزيارات فى المدونه ما شاء الله كل يوم بتزيد كتير يعنى اتمنى انى أكون بفيدكم ولو بشئ بسيط من تجاربى بس ليه مش بتشتركوا فيها اتمنى انكم تدعموا المدونه باشتراكم ﻷن ده بيشجعنى انى استمر اكتب و لو فيه أى تعليق عليها يا ريت تكتبو  نفسكم اكتب عن ايه من المنتجات و الموضوعات

نيجى بقى لموضوع النهارده وهى الماسكرا طبعا انتو عارفين الفرق الرهيب الى بتعمله الرموش فى اللوك بتخليه روعه حتى لو اليشادو خفيف و بسيط بس الرموش الصناعيه حرام بكل انواعها و اشكالها و ده على حد علمى عشان كده كان هدفى دايما انى اوصل لنفس النتيجه بدون معصيه و لقيت شويه بدائل جميله جدا مايبلين من ضمنها

مايبلين ديفين لاش define a- lash :

اتكلم عن النوعين التكثيف (الفوشيا )و اﻷطاله (الخضرا) ﻷنهم طبق اﻷصل من بعض ما فيش أى فرق ابدا
اول شئ لازم نعرف ان فى حاجه اسمها دوره حياه الماسكرا يعنى قوامها بيختلف بمرور الوقت و بالتالى اسلوب استخدامك ليها و كمان النتيجه بتختلف ، فى اﻷول الماسكرا بتكون فى اكترحالاتها سيوله وبعد شويه يبدأ قوامها يتقل بالتدريج و إما انك تخلصيها أو تركنيها و تنشف قبل ما تخلص

القوام:
 قوامها مظبوط جدا من أول استخدام على عكس أنواع كتير بتكون سايله بزياده و سهل التحكم فيها و مش بتبقع على الجفن ولابتكتل الرموش مع بعض لحد ما خلصتهم كان القوام رائئع و مريح فى اﻷستخدام و كمان مريحه مع العدسات ﻷنها مش بتفتت بعد ما تجف

التغليف:
حلو و مرتب و اﻷلوان اﻷنبوب مبهجه طويله و مستويه مش بتاخد مكان فى الشنطه الفوهه ضيقه عشان ما يطلعش بالفرشه كميه كبيره و بتكون متوزعه حلو ع الفرشه

الفرشه:
بلاستك سهل تحريكه مش شعيرات الشعر بتاعها قصير ومش كثيف ابدا بتسرح الرموش بشكل مرتب و بتوزع النتج بالتساوى

النتيجه:
طول رائع و الكثافه اقدرى توصليلها بسهوله ﻷن قوامها حلو فى الطبقات المهم انك تكررى الماسكرا على الرموش قبل نا الطبقه الى قبلها ما تجف لو حابه مظهر الرموش الصناعيه هى بتطول اكتر نا بتكثف

الخلاصه:
أفضل ماسكرا جربتها فى ماركه مايبلين دايما أرجع اشتريها سعرها 50 ريال مةجوده فى بوتس العثيم و بيوتى باى

ريفيو: ارواج مايبلين كولور سنسشنال

السلام عليكم  يا بنات وحشتنى المدونه و بعتذر انى كنت مشغوله شوى الفتره الى فاتت المهم اتمنى انتكون تدويناتى وحشتكم

النهارده هتكلم عن أرواج مايبلين الى انا بحبهكا و هى تعتبر اسعارها معقوله وهى متوفره فى سنتر بوينت و بيوتى باى و بوتس العثيم مول 

 السعر  بقى كالعاده بيختلف حسب وقت ومكان البيع يعنى معظم اﻷماكن البيع بتعمل خصم سعره بينزل من 55ريال الى 35 ريال فى عرض اشتري 2 و احصل على 3 

التغليف :

شكلها جميل و مريحه فى الترتيب و التخزين ﻷنها قاعدتها مربعه و عليها من تحت لون كل درجه يسهل عليكى معرفه الدرجه الى عاوزاها و أهم حاجه انها بتتقفل كويس و مش هتتفتح منك لوحدها و تبهدلك شنطك 

الملمس والنهايات:

كريمى و شفايف وقليل لما اﻷقى روج سعره كويس ومرطب وكمان بيجمنت مش محتاج كتير طبقات ثباته ل اربع ساعات هو يعتبر الروج المفضل بالنسبه ليا فى الدرج ستور ميزته كمان انه فى منه درجات و الوان مالهاش أخر انصح بيه كل الناس

ناعم و كمان مرطب الشفاه الجافه قوامه حلو مش بيسيح خالص مش محتاج محدد 

دى الدرجات الى عندى و سواتش ليها

10 خطوات سهله لترتيب تسريحه مكياجك

1. تقسيم المنتجات حسب اﻹستخدام وليس حسب الماركات
يعنى نعملهم مجموعات البودره بانواعها و الاساس و البرايمر و البلاشر و اقلام الكحل و العيون و الاارواج

2. ترتيبهم فوق التسريحه أو درج المكياج بفضل يكون حسب ترتيب إستخدامهم يعنى لو تبدأى من اليمين بالبرايمر  بعده الفاونديشن و و بعدها الكونتور وكل شخص له ترتيب مختلف يعنى فى ناس تعمل كل يوم كونتور أو تحديد شفايف أنا مثلا بعد البرايمر الوجه ابداةببرايمر العيون و اﻷيشادو قبل الفاونديشن عشان البرايمر يتشرب فى البشره كويش و كمان لو اﻷيشادو تفتت ما يبوظ الفاونديشن و أقدر أمسحه بسهوله

3. لا أنصح أبدا أن الفرش تكون فوق التسريحه خصوصا فرش الوجه ﻷنها تلم تراب و غبار كتير و كل ده يخلى البشره تتأثر عشان كده اﻷحسن انها تنحط فى درج مخصوص أو علبهةو تغطيها كويس

4. أفضل شئ ﻷقلام الكحل انها تتحط فى علبه أو أكواب فوق التسريحه و اللون يكون ظاهر من فوق عشان يسهل عليكى اﻷختيار بسرعه

5. اﻷارواج لو الجو حار أبدا ما تنحط مقلوبين لتحت بالرغم أن ده يسهل اﻹختيار إلا أنه يسيح و يسقط فى أسفل الغطا و يخرج من اﻷنبوب اﻷصلى و يتلف بسرعه عشان كده أفضل حل انهم يكونوا فى التلاجه مره فى اﻷسبوع  على اﻷقل يكونوا واقفين فى الدرج و عشان تسهلى إختيار اﻷلوان رتبيهم حسب المجموعات اللونيه يعنى اﻷحمر بدرجاته و الروز بدرجاته و هكذا

6
. الماسكرا حاولى انك ما تكونيش فاتحه أكتر من أربع أنواع ﻷنها بتبوظ بسرعه جدا مفروض منش أكتر من 8 شهور من تاريخ أول مره تتفتح فيها يعنى ما ينفعش أنك تشتريها وتفتحيها من الحماس عشان تجربيها و بعد كده تركنيها عندك سنه هتلاقى ريحتها أتغيرت وجفت ﻷن عنرها بيتحسب من أول مره دخل فيها هواء مع أول مره فتحتيها فيها

7. أدراج الكياج و التسريحه مهما حافظتى على ترتيبها بعد كل مره تحتاج لترتيب شامل على اﻷقل مرتين تلاته بالسنه وفى كل مره أعملى علبه أو درج حطى فيها الحاجات الى بقالها كتير عندك يعنى بودره قربت تخلص أو قلم كحل قصير روج خلاص فاضل منه حاجه بسيطه أو ماسكرا قربت تنشف كل ده خليه فى الدرج و المهم انه يكون قريب من ايديك  عشان تستخدميهم كتير ﻷنك لما تخلصيهم هتكسبى مكان لحاجات تانيه و كمان استفدتى منهم قبل ما يقدموا تضطرى ترميهم قبل ما يخلصوا

8. العينات المجانيه الى بناخدها هدايا مع المشتريات خليهم فى شنطه لوحدهم بعيد عن باقى اﻷشياء ﻷنهم بيكونوا أكياس أو علب صغيره بتخلى ترتيب الدرج يبوظ أسرع وكمان أنا بطلع منهم لما منتج عندى يقرب يخلص و أجرب منهم عشان لو عجبنى و كان مريح ليا أشتريه و لو ما كانش حلو يبقى وفرت على نفسي تانى حاجه أن العينات دى ممكت أخدها معايا لو مسافره و اخده معايا شنطه صغيره و ما عنديش مكان كتير

9. خلى منتجات العنايه بالبشره كلهم فى مكان واحد و معاهم القطن كمان عشان تكون عنايتك ببشرتك متكامله و ماتنسيش خطوه منهم يعنى لو كل حاجه فى مكان مختلف ساعات أنسي التونر أو كريم العيون قبل النوم

10.  العلب الصغيره أو مقسمات اﻷدراج عن تجربه هما سر نجاح الترتيب وبقاءه اطول فتره ممكنه 

ريفيو: مزيل مكياج العيون من ذا بودى شوب

السلام عليكم ..... مزيل مكياج العيون كانت مشكلتى من فتره و كنت بجرب أنواع كتير لكن ما ارتحتش على أى واحد و لا كررت شراء أى  نوع لكن مزيل المكياج بالكاموميل بتاع بودى شوب الوحيد اللى رجعت إشتريته تانى قبل ما يخلص من عندى .

هو مخصص ﻹةاله مكياج العيون و المكون اﻷساسى له مستخلص الكاموميل عشان يهدئ و ينعم البشره

قوامه سائل جدا احس انه زى الماء بالضبط مالوش أى ريحه تذكر لطيف و خفيف ع البشره و بالذات العيون بيشيل المكياج كله بدون أى ضغط لكن أسيب القطنه المبلله به على العين لمده ثوانى و بعدين أمسح خفيف .


ميزته أنه مش داخل فى مكوناته زيت يعنى لا يدهن البشره و لايترك أثر زيتى بعدها و مكتوب على العلبه انه مفروض تحاولى أنه لايدخل جوه العيون عشان لا يسبب تهيج لها أو حساسيه لكن أنا حتى لما يدخل بعينى لا يسبب لى حساسيه

مريح فى إستخدامه حتى مع العدسات و أستجدمه لوجهى كله و العلبه تستمر معى فتره ﻷنه 250 مل حجمها كبير بالنسبه لمزيل مكياج
 سعرها 35 ريال بدون أى عروض و لا خصم يعنى ممكن وقت الخصم يكون السعر أقل كمان

بشتريه مره تالته ولا ﻷ ؟
 أكيد مش هستغنى عنه ﻷنه مريح و رخيص و يقوم بالمهمه علو أكمل وجه

عيبه الوحيد أنه مش بشيل الماسكرا و الكحل ال ضد المايه بس دى مش مشكله ﻷنه فى فى منه نوع مخصوص للمكياج المضاد للمايه فى انبوب و قوامه كريمى لكنى لسه ما جربتهوش 

بلاشر e.l.f بديل نارس ولا ﻷ..؟

السلام عليكم انهارده يا بنات حبيت اكتب الموضوع ده ﻷن فى مواضيع و فيديوهات كتير عن المنتجات البديله لماركات معروفه لكن بسعر أقل فى رأئى المواضيع دى مفيده جدا لكن مش كل حاجه جربتها طلعت فعلا بديل فى حاجات ظبطت و فى حاجات تانيه طلعت مجرح تشابه فى اللون أو التغليف لكن النتيجه النهائيه و احساسك بيها على بشرتك و ثباتها غالبا بيكون اﻷغلى أحسن ﻷن جودته أعلى مش كل حاجه رخيصه وحشه لكن لو بشترى حاجه سعرها رخيص مش بكون متوقعه كتير من المنتج و للحق فى حاجات بهرتى برغم سعرها القليل .

ندخل بقى على بلاشر ايلف الشركه دى معروفه بأسعارها الغريبه و بتتباع ع الموقع بس مش موجوده فى المحلات سعر البلاشر من مجموعه الستوديو 3 دولار و كتير جحا بسكون فى خصم 50% يعنى دولار ونص مفيش أرخص من كده .

بلاشر ايلف ده الى خلانى أجربه انى شوفت اكتر من عشرين فيديو ع اليو تيوب بيقولو انه بديل طبق اﻷصل من نارس و بلاش تضيعوا فلوسكم ع الفاضى طبعا انا جريت و جبت دول اللى فى الصوره تحت حاولت انى انوع فى اﻷلوان



رأيي فيهم انهم حلوين و درجاتهم متنوعه ومش متوفره فى ماركات رخيصه كتير ملمسها كويس مش حريري و لا ناعم أوي فيه خشويه ثباته بقى حسب الدرجه يعنى اللون العنابى الغامق روعه ثباته اﻷفضل بينهم  لكن الباقى هما تلات ساعات بالكتير أوى و متلاقيهوش على وشك يعنى لو رايحه مشوار طويل uخديه معاكى فى الشنطه
بصراحه اللى جرب نارس هيلاقى ان ولا ليهم أى علاقه ب ايلف نارس ملمسه كريمى و ناعم  و ثباته روعه طول اليوم تقريبا حتى بدون كريم أساس ينسحب  على الوجه بدون ما يقطع ولا يبقع لكن ايلف لو من غير أساس يبان ان لونه غير موحد و صعب الدمج


إيه إلى يخلى الناس تقارنهم ببعض ؟
 التغليف

العلبتين شبه بعض جدا ده الى يخلى الناس لما تشوفهم يفكروا فى نارس على طول صراحه العلب بتاعه ايلف تحفه فعلا مقاربه لنارس و متقلش ابدا عنها خامتها حلوه و بتحمى البلاشر من الكسر حتى لو مسافره كمان بتاعه ايلف فيها جزء شفاف عشان تعرفى اللون بدون فتح العلبه و دى حاجه صغيره لكن مهمه خصوصا لو مستعجله

الخلاصه:

ايلف مش وحش ﻷ جميل أوى بالنسبه لسعره يستاهل انك تجربيه و عمرك ما هتندمى ابدا لكن متتوقعيش انه بديل نارس ملهموش أى علاقه بيه

أرجو انى أكون افدتكم ولو بالقليل يشرفنى إشتراكك فى المدونه و أى اسئله انا موجوده

مكياج ربيعى بسيط

السلام عليكم انهارده حبيت انزل موضوع خفيف بمناسبه الربيع  و اكيد من غير ما بنحس ولا تقصد بتتغير الوان المكياج حسب الجو و كمان الحاله المزاجيه و البشره طبيعتها بتتغير من وقت للتانى  المهم يلا نبدأ

 

اول حاجه بعد المرطب الخفيف كريم اﻷساس كلارينس المات عملت عنه ريفيو مفصل قبل كده بالنسبالى مريح لبشرتى
 الى فيها شويه مناطق جافه و ما بحتاجش بودره و تغطيته حلوه و مع الفرشاه الفلات كابوكى تزيد التغطيه و اهم حاجه فى المكياج البسيط البشره تكون خاليه من أى عيوب يعنى تغطيه الاساس تكون مناسبه لبشرتك ﻷن التركيز كله ع البشره

 

 

و بعد اﻷساس الكونتور انا شخصيا احس انه اساسي يفرق كتير فى المظهر النهائى و الكيت دى ماركه ايلف البلشر فيها خفيف لكن الكونتور تحفه يبان لامع فى العلبه لكن ع الوجه ما فيش اى لمعان لونه قوى بيجمنت عايز دمج كويس

 بعد كده الكونسيلر احبواستخدم ريميل لانه تغطيته قويه و ينور تحت العين معقول 

و قلم الحواجب برضه ريميل احبه مع اللوك ده ﻷنه يبين الحواجب طبيعيه مش محدده و ثابت لمده طويله 

البلاشر من مايبلين موس درجه 40  و جماله انه بيدى لون هادى و دمجه سهل ﻷى حد و خفيف ع البشره كانى مش حاطه اى شئ

 

العيون اولا البرايمر دى خطوه اساسيه من ايلف و حسيت انه حلو بس المره الجايه هجرب اربن ديكاى  

و دى الفرش اﻷى استخدمها فرشاه شادو عاديه مبططه و فرشاه تجويف الجفن 

الايشادو استخدم البيج المات هايلايت خفيف تحت الحاجب و السيمون الهادى بكل الجفن و تجويف العين البنى الغامق و ادمجهم كويس و كلهن مات 

 

 

و اخر حاجه احمر الشفاه بما ان اللوك كله هادى و العيون لونها بسيط مش مبالغ فيها احب الروج يكون لونه قوى او متوسط و بصراحه احس ان اليب لاينر مهم فى تظبيط الشفايف و يبرزها

مشترياتى فى شهر مارس

السلام عليكم انهارده حابه انزل موضوع بسيط و خفيف الحاجات الى جبتها خلال الشهر الى فات مارس

من بوتس كلها منتجات شاور و عنايه بالجسم كنت اصلا رايحه ذى بودى شوب بس قولت امر على بوتس و اشوف يمكن تعجبنى حاجه

 

ا
لاول ع اليمين باين نصه بس كريم السيلوليت :
من ماركه بوتس بالاملاح المعدنيه ريحته زى كل كريمات السيلوليت الى جربتها قبل كده ولا اى فرق بينهم ريحته منتول و كحول  قوامه غريب جحا ناشف مش كريمى و مكلكع خالص معجبنيش القوام ده تاثيره متوسط برضه زى كل الى جربته سعره كان 25 ريال مش هشتريه تانى لانى نفسي اجرب روك و نيفيا

شاور كريم :

الابيض من ماركه بوتس حبته لان مع السكرب لازم شاور لطيف عالبشره و كان سعره 5 ريال حلو و رائحته على بودره اطفال 

شاور جيل رجال : 

الاسود اكيد مكانه مش المدونه بس حبيت اقولكم عليه ﻷنه برضه ب 5 ريال و زوجى لما جربه قالى انه زى نيفيا مش لاقى فرق بينهم 

 

 

شاور جيل سكرب كاريبى :
ريحته روعه بتحسسنى بالصيف بجد كنتالوب و بطيخ قوامه جيل فيه حبيبات ناعمه و صغيره خالص و بيعمل رغوه كويس احس انه جميل كاستخدام يومى مينشفش البشره و لا يكون قوي عليها سعره الاتنين 25 ريال



سكرب السكر :
نفس ريحه الاول ولكن قوامه غريب عامل كانه عجين تقيل و كثيف حبيباته كبيره و خشنه استخدام اسبوعى يقشر بضمير  و يخلى البشره بتبرق و ناعمه

ودى بقى مشترياتى من سيفورا كنت رايحه اصلا عشان اشترى مجموعه مايا دياب لكن لاقيتها خلصانه و طبعا قلت مش هخرج ايدى فاضيه 

كريم الاساس ميك اب فور ايفر :
سايل جدا مش سميك توزيعه سهل خالص يعنى حتى لو مش محترفه انصح بيه اى حد مرطب لكنه غير دهنى تغطيته روعه حبيته جدا سعره 190 ريال

كونسيلر لشد البشره:
اخدته لان  الكونسيلر التغطيه الكامله حسيته تقيل ة ناشف و ده سايل برضه بس تغطيته عاديه حسيته زى القلم المضى من ايف سان لوران  يعنى ينور لكن لو الهالات غامقه مش هيداريها كويس  سعره 110 ريال

اكوا كريم :
الدرجه دى رقم 6 الوحيده الى عجبتنى الباقى كله جليتر  جامد و الدرجه مناسبه كبلاشر استخدمه مع فرشاه ستبلنج للبلاشر  ثباته لمده طويله لكن عيبه ناشف اصلا و لو نسيتيه فتره طويله بدون استخدام ينشف اكتر سعره 110 ريال
مش هشتريه تانى لانه قوامه معجبنيش و توزيعه صعب فى بلاشر كتير احسن منه

يارب البوست ينال اعجابكم و لو فى اى اسئله انا هرد انشاء الله