من فتره عملت طلبيه من الموقع all cosmetics wholesale.
وحبيت انى انقل لكم تجربتى كامله
الموقع نفسه تقسيمته حلوه وسهل التعامل معاه وسهل انك تلاقى الحاجه الى بتدورى عليها لكن عيبه ان مش متوفر كل منتجات الماركه
يعنى ماركه اربن ديكاى مثلا مش متوفر عندهم نيكد ولا سموكد مثلا
لكن فى نفس الوقت ممكن تلاقى عندهم حاجات كانت اصدار محدود و مش موجوده فى موقع الماركه نفسها زى ماك مثلا عندهم معظم الكولكشن القديم
الاسعار عندهم معظمها مخفضه
اسعار المكياج الى اشتريته
روج ويت اند وايلد = 1.5 $
روج لوريال الدهبى=2.5$
بلسم الشفاه لوريال =1.5$
روج ماك =3$
باليت ويت اند وايلد الواحده=5.5$
لون شادو ويت اند وايلد =1$
شادو لوريال سائل =1.5$
الشحن مش فاكره بالضبط كان حوالى 17 دولار
الشحن ممتاز الحاجه وصلتنى خلال اسبوعين بس و ده يعتبر سريع جدا
خدمه العملاء جميله جدا اى ايميل بيردوا عليه و اى استفسار او سؤال بيجى الرد عنه سريعا
بعد تجربتى للمنتجات عندى عليهم ملاحظات
-روج ماك كان مكتوب عنه فى لموقع انه factory blem
يعنى ممكن تكون ريحته او لونه مختلفه عن ارواج ماك العاديه
الحقيقه ان ريحته مش هى ريحه اراج ماك الى متعودين عليها
عشان كده انا شكيت انه ممكن يكون مش اصلى
لكن عشان اكون منصفه اكتر المره الجايه هجرب حاجات تانيه زى الشادهات و البلاشر
- ارواج لويال الدهبيه حسيت انه ممكن تكون قديمه شويه
- غير كده كانت كل حاجه جاتلى ممتازه ورائعه
الخلاصه انى حبيت التعامل و اكيد انى هشترى منه تانى لان اسعاره حلوه
فى عرض عندهم اليومي دول بخصم 35 % من قسم التخفيضات
يعنى كده الخصم هيغطى قيمه الشحن
الكود sale35
* الموضوع ده يعبر عن رائى الشخصى وانا مش هستفيد اى شئ من الموقع يبيع او لأ بس حبيت افيدكم بتجربتى معاهم
هناك تعليق واحد:
انا داخلة من حساب اخوي
شكرا على التدوينة الجميلة
لكن هل الموقع يطلب بريد امريكي
وهل يقبل الفيزا السعودية و يوصل على طول للسعودية
إرسال تعليق