السلام عليكم ... النهارده حبيت انقل لكم تجربتى فى منتجات خلصتها و رأيى فيها ايه منهم عجبنى والحاجات الى حمدت ربنا انها خلصت .
1 اوريفلام سويدش سبا سيروم الوجه:
سعره حوالى 40 جنيه ومش متوفر الا من كتالوج اوريفلام ومش كل شهر بيكون موجود بس انا اشتريته فى عرض خاص هو عباره عن جيل شفاف انا ما ناسبنيش ابدا لانه مش مرطب بيشد البشره و لو بشرتك حساسه ممكن يسبب حبوب بس انا لقيت ان افضل استخدام له كبيس قبل الفاونديشن .
الخلاصه معجبنيش ولا يمكن انى اشتريه تانى
2 كريم باراشوت جولد لغذيه الشعر:
بالنسبه ليا و لبناتى كمان لا بغذى ولا حتى بيطرى الشعر انا استخدمته كريم تصفيف يعنى معجبنيش ابدا مش ممكن اشتريه تانى لان فيه كريمات تصفيف كتير و بتغذى الشعر كمان
3 كريم فازلين بزيده الكاكاو:
سعره حوالى 5 ريال لحجم 100 مل تخيلو رخيص ازاى و متوفر فى كل الهايبر ماركت و الصيدليات ريحته جوز هند و كاكاو روعه و مرطب رائع للجسم لانه بتفرد بسهوله و بيرطب لفتره طويله عجبنى طبعا و مش هبطل استعمله ابدا
4 بودى شوب زبده الجسم بولونيزيا:
سعره 70 ريال لكن احاول اشتريه فى وقت الخصم يكون ارخص لانى احبه و دايما اشتريه لقيته مره ب 45 ريال ريحته فل و ياسمين و الريحه قويه جدا بتفضل فتره طويله و هو غير اى زبده جسم جربتها من بودى شوب ملمسه مختلف كريمى كثيييف و يدوب ع الجسم و يرطب لمده طويله جدا ايام الكسل استخدمه بس مره اﻷسبوع و يغنى عن اى ترطيب يومى
عمرى ما استغنى عنه ابدا
ليست هناك تعليقات:
إرسال تعليق