بنفت كشركه معروفه و محبوبه فى مجال منتجات التجميل مكنش فى عندها كريم اساس مشهور قبل المنتج ده يعنى هى طول الوقت مشهوره بالبلاشر و الارواج و الماسكرا ....... و منتجات تانيه كتير لما بروح الكاونتر بتاعهم بفكر فيها ماعدا كريم الاساس بس من فتره مش قليله نزلت كريم الاساس ده ضمن مجموعه " hello flawless oxgyen wow" و عمل ضجه كبيره فى عالم التجميل ما بين ناس حبوه و مدحوا فيه و بين ناس تانيه مناسبهمش .
فكره المنتج :
- هو كريم اساس خالى من الزيوت و مدعم بالاكسجين ليعطى مظهر طبيعى و مضئ للبشره بتغطيه ما بين خفيفه و متوسطه تبان انها بشرتك لكن افضل .
- بنفت اشتغلت على المنتج ده مده 3 سنوات من الابحاث و التجارب .
التغليف :
- فى رائي انه مميز جدا مش بسبب جمال الشكل بس بسبب نقطتين :
1- العبوه ضاغط pump و ده شئ بحبه فى كريم الاساس لانه اسهل و عملى اكتر و بتحكم ى الكميه الى عاوزاها .
2- العبوه مصممه بحيث انه مايكونش فى هواء جواها و طبعا ده افضل عشان البكتيريا و عموما تعرض السائل للهواء بخليه معرض اسرع للفساد .
- شخصيا جربته كعيينه مش حجم كامل لكن التغليف مش مختلف عن العينه و الحجم الكامل .
القوام :
- قوامه مختلف شويه عن كريمات الاساس التانيه لانه سائل جدا كانه ماء مش سميك ولاكريمى .
- توزيعه سهل جدا مش محتاج اداه محدده كل الطرق مريح فى التوزيع حتى الاصابع بتوزعه وتدمجه بشكل حلو.
- سهل فى الدمج مش بياخد وقت ولا مجهود .
النتيجه:
- متوفر منه 9 درجات حسيت انها مناسبه لكل الدرجات البشره.
- الاندرتون اصفر فى الدرجات الفاتحه و برتقالى فى الدرجات الغامقه و ده بيحقق الاضاءه للبشره وان الوش يكون منور كمان بيحقق تغطيه حلوه لعيوب البشره بدون ما تحتاج لان الكريم يكون سميك .
- احساسه على البشره خفيف جدا كانه مش موجود .
- لازم اثبته ببودره خفيفه بعد التوزيع خصوصا فى الايام الحر.
- عيبه انه بالرغم من انه خالى من الزيوت لكنه مش مناسب لاصحاب البشره الدهنيه خصوصا فى الصيف .
- بشرتى مختلطه الى جافه ناسبنى جدا و حبيته خصوصا انه فعلا بيخلى البشره صحيه و البقع مش باينه حتى الهالات السودا الخفيفه بتخفيها .
- بيدى مظهر ديوى مش مطفى ابدا .
- فيه حمايه من الشمس 25 .
- متوفر فى سيفورا و وجوه سعره حوالى 180 ريال .
ليست هناك تعليقات:
إرسال تعليق