مفضلات الصيفيه summer favorites

hi ladies, in this post i'll share with you my latest summer favorite items that i did really enjoy through last few months .

اليوم يا بنات بشارككم منتجات من اكتر الاشياء الى استمتعت باستخدامها خلال الفتره الى فاتت و هى من الاشياء الاساسيه بالنسبه ليا فى الصيف 

- عطر الياسمين الهندى من بودى شوب 

-the body shop indian jasmine set

العطر ده من اول يوم استخدمته اصبح من مفضلاتى لانه يجمع مابين الثبات و انه ناعم وانه فيه انوثه و فى نفس الوقت احسه منعش بدون ما يكون مبالغ فيه .

المجموعه سعرها ممتاز مكونه من العطر و البودى ميست و الشاور جيل و اللوشن .

this perfume set become one of my most favorite  in short time as its soft nt overpowering but its so feminie in the same time 

this set price is very reasenable 

the set containe perfume ,body mist , showergel and body lotion.

2- essence lip liners 
-محددات شفاه ايسنس 

اكتر شىء عجبنى فيها جودتها الممتازه بالرغم ان سعرها رخيص جدا  تبدا من 9 ريال و بعض الانوع منها توصل 12 ريال .

ناعمه جدا على الشفاه و لا تبين انها جافه او مشققه خاصه لو استعملتها كلون لكامل

و الدرجات مميزه خاصه الدرجات الوسط . 

عيبها الوحيد انها كتير بتكون خالصه من الاستاند .

my experince with this lip liner was so good its so cheap , smooth , and it never make my lips look dry or peeled .

3- benefit they re real mascra 

- ماسكرا بنفت ريل .

من تفضل الماسكرات الى جربتها تتحمل الصيف و الحر وكل شىء و فى نفس الوقت تبين الرموش كثيفه و مرفوعه .

تستحق سعرها فعلا .

its the only mascra that i beivelive it can stand hot and look like u just applied it after long day .d

4- nyx hd concealer 

-كونسيلر نكس اتش دي 

خفيف و درجته تميل للون الاصفر و تغطى كل شىء بدون ما احتاج كوركتور يعنى يختصر على خطوه .

ناعم و سهل الدمج و الاهم انه ما يخطط و لايكتل تحت العين .

its light wight and has ayellow under tone so i can use it without any coorector underneth .

easy to blend , no

t caky at all.

تنظيم و ترتيب المكياج بريال واحد

السلام عليكم يا بنات النهارده حبيت اشاركم طريقتى فى ترتيب ادراج المكياج باقل تكلفه ممكنه و نفس الوقت شكلها جميل و 

هم شىء عجبنى فى الطريقه دى انها عمليه جدا و سهلت تنظيف الادراج و الافضل انها خلتنى اعرف حجم مجموعه مكياجى الحقيقي 

و اشوف كل شىء عندى بسهوله و اختار منه فى وقت قصير.

فكره العلب او الحاويات نفسها مش جديده ابدا لكن العلب الى هتشوفوها فى الصور سعرها ريال واحد بس 

اخدتهم من محل اسمه ريال البركه اتوقع انهم متوفرين فى محلات الكماليات الهزاز او بحر الاسعار و غيرهم 
مع الصور

 هنا استخدمت الحجم الوسط انى انظم الباليت المتوسطه يعنى فيها اربع الوان او اكتر 

the face shop white mud pack ماسك الطين الابيض من ذا فيس شوب

 

hi viewers this post will be my first time writing to you in both English and Arabic.

hope you enjoy....

 

 

the face shop is one of my favourite skin care shops in the Saudi market, I love that I have access to Korean skin care .

one of their best sale points that is the prices are  vary from affordable to considered high price tag,but they have offers during the year.

ذا فيس شوب من الشركات الى بحبها في السوق السعودى لانها فيها المنتجات الكوريه الى الكل مهتم بيها الفتره الاخيره  و أسعارها بتختلف من الرخيص للغالى حسب المنتج لكنهم بيعملوا خصومات على مدار السنه.

 

 

ماسك الطماطم من تونى مولى

 

 

اليوم هكمل معاكم سلسله تجاربى مع المنتجات الكوريه

 

ماسك الطماطم

الشركه المصنعه هي تونى مولى من اشهر الشركات التجميل الكوريه

 

اتعرف الماسك على الانستجرام انه ماسك سحرى لتفتيح البشره .

ريفيو:جل الصبار و استخدماته .

السلام عليكم يا بنات اليوم هتكلم عن بعض منتجات العنايه بالبشره الكوريه .
الفتره الاخيره ظهر اهتمام كبير مش بس بالمنتجات الكوريه و كمان بطريقتهم في العنايه بالبشره لانهم بيعتمدوا في الأساس ان البشره تكون صحيه و خاليه من اى مشاكل او تصبغات او بهتان و بكده تكون مش محتاجه مكياج كتير و تكون تغطيه الفاونديشن بسيطه و مبينه من تحتها بشره صحيه او زى ما بنوصفها احنا بالبشره المنوره .

                                                        

ريفيو: برايمر ريفلون فوتو ريدى

السلام عليكم بنات انهارده حبيت اتكلم عن برايمر ريفلون فوتو ريدى اشتريته من سنتر بوينت لانى كنت ادور على برايمر جديد لان مجموعه البرايمر الى عندى قربت تخلص و البرايمر ده شئ اساسى بالنسبه ليا قبل كريم الاساس لانه بيفرق كتير جدا خاصه لو فى مسام او خطوط خفيفه او الايام الى فيها اجهاد و البشره بتكون باهته او مرهقه .

قصه عطر : التين الايطالى من ذى بودى شوب

السلام عليكم ريفيو المره دى هيكون مختلف شويه لانه عن عطر و العطور دى اذواق بتختلف من شخص للتانى ممكن احب ريحه معينه غيري يعتبرها مش حلوه  عشان اتكلم عن اى عطر فى الاول احب اقولكم ان كل الجسم بيتفاعل مع اى عطر بتستخدميه و ممكن حراره الجلد تغير شويه من ريحته او ثباته معاكى كمان حاجه انا شخصيا لاحظتها لو فضلت استخدم برفان معين لمده طويله و مغيرتهوش ابدا احس انى مش شماه بالرغم ان لو واحده صاحبتى جنبى بتكون شماه بوضوح .

مجموعه the body shop زبده الكاكاو:

السلام عليكم يا بنات  النهارده هكتب لكم عن تجربتى مع مجموعه زبده الكاكاو من بودى شوب 
الى خلانى اختار المجموعه دى انى كل لما اسال اى حد فى بودى شوب عن افضل شئ لترطيب قوى ينصحنى بيها و طبعا كان لازم اجربها .
حبيت اجرب المجموعه كلها عشان اقدر احكم عليها .
المجموعات غالبا بيكون عليها خصم معظم الاوقات وفى الحقيقه انا من محبي الخصومات و دى كان عليها خصم 20%.
تتكون من زبده 200مل و سكرب  200 مل و شاور كريم 250 مل و لوفه صغيره و 2 جوانتى تقشير.

التغليف:

تغليف الخارجى ممتاز و شيك ينفع هديه فعلا و الصندوق لونه مناسب و حلو و استخدمته بعد لما خلصت .
بالنسبه للزبده و السكرب نفس العلبه العاديه و معنديش تعليق عليها كويسه و مريحه فى الاستخدام و شكلها جميل .
الشاور كريم وده محبتش علبته خالص لانه قوامه سميك جدا و ينزل ببطء من العلبه و المشكله اكتر لان العلبه صلبه مش ممكن تضغطى عليها عشان تسرعى نزولها و كانت النتيجه انى فتحت الغطا الشفاف و ده خلى استخدامه اسهل شويه .

1- الشاور كريم :
قوامه سميك و لونه اصفر كنت خايفه ان ريحته تطلع سخيفه لكن بصراحه طلعت ريحته جميله جدا و هاديه بس مش معطره اوى كمان مش بتثبت مجرد ما تخلصي استحمام تكون الريحه مش موجوده خالص .
بستخدمه اما مع اللوفه او مع جوانتى التقشير فى الحالتين نتيجته ممتازه مرطب جدا و بيخلى البشره ناعمه وفى نفس الوقت مش مزيت ولا يدهن و العبوه كميتها كبيره و فى الاستخدام مش بتحتاج كتير .
حبيه جدا و اصبح من مفضلاتى و اكيد هرجع اشتريه تانى .

2- زبده الجسم بزبده الكاكاو:
الزبده نفسها مش  خام لأ هى من ضمن مكوناتها زبده الكاكاو لونها بيج فاتح قوامها سميك و لكن ناعم و سهل الاستخدام بمجرد ما تلمسيه بيدوب شويه زى الزبده فعلا قوامه اسمك شويه من انواع الزبده الى جربتها قبل كده من بودى شوب و دى حاجه حبيتها مش مزعجه بالنسبه ليا .
مرطبه جدا و ترطيبها بيفضل اكتر من يوم ممتازه للبشره الجافه عيبها الوحيد انى محبتش ريحتها خالص .

3- مقشر الجسم بزبده الكاكاو :
المنتج المفضل بالنسبه ليا فى المجموعه كلها مرطب جدا و فى نفس الوقت مقشر قوى .
قوامه سميك و الحبيبات قويه و الافضل انها مش بتدوب مع المايه او على الجسم بالعكس بخليكى تتحكمى فى مده التقشير الى انتى محتاجاها .
نتيجتها ممتازه والاهم انها مش بتخلى البشره جافه بعد الاستخدام .
انصح بيها و اكيد هشترها تانى .

- الوفه و جولنتى التقشير اكيد مش محتاج اتكلم عنهم اللوفه عاديه جدا مفيهاش جديد و الجوانتى من احسن الانواع الى جربتها و فرق الجوده كبير عن الانواع الرخيصه .


- الخلاصه :
بشكل عام المجموعه تستحق الشراء فعلا و اكيد اكيد هرجع اشتريها تانى بعد لما اجرب مجموعه الارجان الاول .

ريفيو: غسول مقشر البشره نيوتروجينا للتحكم بالحبوب:

السلام عليكم يا بنات....

ريفيو: مجموعه نيوتروجينا للمعان و المسام الجديده pore&shine:

الريفيو اليوم عن منتج جديد من نيوتروجينا انا شخصيا احب الماركه دى و اعشق منتجاتها لانها اسعارها حلوه و نتيجتها مقاربه للماركات الغاليه زى كلينيك 

لما شوفت المنتجات دى لاول مره فى المحلات على الارفف مش عارفه ليه فهمت انها للبشره الدهنيه يمكن عشان لون التغليف و انها مكتوب عليها للمعان البشره فحسيت انها مش هتناسبنى ابدا لان بشرتى جافه مختلطه 

لما جربتها اكتشفت العكس تماما هى للبشره الجافه و مرطبه جدا 
لكن ليا عليها ملاحظات

تجربتى فى الشراء من موقع All cometics wolesale

من فتره عملت طلبيه من الموقع all cosmetics wholesale.

وحبيت انى انقل لكم تجربتى كامله 

الموقع نفسه تقسيمته حلوه وسهل التعامل معاه وسهل انك تلاقى الحاجه الى بتدورى عليها لكن عيبه ان مش متوفر كل منتجات الماركه 

يعنى ماركه اربن ديكاى مثلا مش متوفر عندهم نيكد ولا سموكد مثلا

لكن فى نفس الوقت ممكن تلاقى عندهم حاجات كانت اصدار محدود و مش موجوده فى موقع الماركه نفسها زى ماك مثلا عندهم معظم الكولكشن القديم

الاسعار عندهم معظمها مخفضه 

اسعار المكياج الى اشتريته 

روج ويت اند وايلد = 1.5 $

روج لوريال الدهبى=2.5$

بلسم الشفاه لوريال =1.5$

روج ماك =3$

باليت ويت اند وايلد الواحده=5.5$

لون شادو ويت اند وايلد =1$

شادو لوريال سائل =1.5$

beauty alert tag!

السلام عليكم يا بنات من فتره جانى تاج على الانستجرام من 

makeup_17 @

ولانى كسوله اتاخرت طبعا فى انى اعمله بس حسيت انه من الافضل يكون على المدونه و الانستجرام كمان 

1 - افضل منتج للوجه ؟

بيوتى فلاش بالم من كلارنس قبل ما يخلص لازم يكون عندى منه 

2- افشل منتج اشتريتيه للوجه؟

برونز الرباعى من ايلف لا لون ولا جوده 

3-منتج للعين مفضل عندك على طول؟

برايمر الايشادو من توفيسد استخدمه يوميا 

4- ماركه مفضله بالرواج؟

مايبلين و ويت اند وايلد

5-افضل ماركه درق ستور ( صيدليه)؟

مايبلين و ميلانى

6- افضل ماركه هاى اند؟

كلارنس و تارت 

ريفيو: مضئ البشره من كلارنس instant light radince:

السلام عليكم يا بنات بعد غياب طويل خلال فتره رمضان و العيد  اخيرا خرجت من المطبخ افتقدت فيهم المدونه جدا 
لكنى اكيد مبطلتش اروح سيفورا و وجوه و كمان اشتريت شويه مكياج بسيطه من الانستجرام و جربت حاجات كتير و من ضمنها اضاءه من كلارنس .

التغليف:
انبوب مزود بضاغط pump  و اكيد حبيت التغليف خصوصا ان له غطا .
شكلها حلو و الاحلى فيه انه نفس لون و درجه المنتج نفسه دى حاجه حلوه لو عندى من نفس المنتج اكتر من درجه مجرد ما اشوف الانبوب اعرف اختار منهم بدون ما اضطر اقرا اسم الدرجه.

ريفيو: eyes to go كمادات العيون بالرمان :

مشكله الهالات السوداء تحت العيون و الخطوط و علامات الاجهاد و التعب دى حاجه كلنا بنعانى منها خصوصا مع رمضان و قله شرب المايه و السهر .

المهم ان مؤخرا اكتشفت كمادات العيون و من الكلام الى مكتوب على العلبه حسيت انها هتكون حل للمشاكل دى و قلت خلينا نجرب مش هخسر حاجه .

ريفيو: كونسيلر LA girl:

الكونسيلر ده اشتهر على كل قنوات اليوتيوب انه بديل ارخص لكونسيلر ماك برو لونج وير وهو ده السبب الى خلانى اشتريه لانى احب اجرب من الماركات الارخص المنتجات الى عليها مدح من معظم الناس .
هو متوفر من النت و تاجرات الانستغرام باسعار ممتازه لا يتعدى الاربعين ريال على حد علمى .

ريفيو: ظلال كريميه من Givenchy ombre couture :

اليوم الريفيو عن ظلال عيون كريميه جديده من جيفنشي لفتت نظرى بالصدفه وهى من المنتجات الجديده فى استاند جيفنشي 

ريفيو: بلاشر ميلانى rose d'oro:

بلاشر ميلانى من المنتجات الى عليها مدح كتير قنوات اليوتيوب الاجنبيه و ده شئ خلانى احب  اجربه و احكم عليه بنفسي لان الاراء بتختلف من شخص للتانى .

-اشتريته اون لاين من موقع اجنبى و متوفر عند تاجرات الانستجرام .

كيفيه الاشتراك فى المدونه بالصور

كتير بنات سالونى عن كيفيه الاشتراك فى المدونه طبعا الموضوع ده هدفه بس توضيحى للى مش عارفه الطريقه .
مزايا الاشتراك فى المدونه:
- طبعا هو يفرق كتير بالنسبه ليا شخصيا لانه فيه تشجيع كبير ليا و بحس بيه ان فى ناس فعلا مهتمه بمتابعه المدونه او بتستفاد من الى انا بكتبه و لو بشئ بسيط .
- بيوصلك كل المواضيع الجديده يعنى لو كتبت موضوع جديد هيوصلك فورا مش لازم تدخلى كل يوم تشوفى فى مواضيع جديده ولا لا خاصه انى حاليا بكتب موضوع او اتنين بالسبوع الواحد

طريقه الاشتراك سهله و بسيطه جدا مش هتاخد منك اكتر من دقيقه .

تلاقى تحت كلمه المتابعون انضمام للموقع  زى فى الصوره فوق بالضبط

و تختارى الاكاونت الى انتى عامله فيه الاكاونت بتاعك ياهوو او جوجل .

و تكتبى ااسم الاكاونت بتاعك و تحته كلمه المرور .
و كده خلاص تكونى اشتركتى فى المدونه .

- لو فى اى سوال او استفسار اكتبى فى التعليقات او الايميل .

ريفيو: كريم أساس بنفت benefit hello flawless oxygen wow:

بنفت كشركه معروفه و محبوبه فى مجال منتجات التجميل مكنش فى عندها كريم اساس مشهور قبل المنتج ده يعنى هى طول الوقت مشهوره بالبلاشر و الارواج و الماسكرا ....... و منتجات تانيه كتير لما بروح الكاونتر بتاعهم بفكر فيها ماعدا كريم الاساس بس من فتره مش قليله نزلت كريم الاساس ده ضمن مجموعه " hello flawless oxgyen wow"  و عمل ضجه كبيره فى عالم التجميل ما بين ناس حبوه و مدحوا فيه و بين ناس تانيه مناسبهمش .

ريفيو: بيوتى بلندر و طريقه العنايه بيها :

االنهارده حبيت اعمل ريفيو عن اشهر حاجه فى عالم التجميل شهرتها بقالها كتير مش لسه طالعه جديد 
بعد ما شوفت عنها مدح مش طبيعى من كل الناس قررت انى اجيبها .