السلام عليكم يا بنات اليوم هتكلم عن بعض منتجات العنايه بالبشره الكوريه .
الفتره الاخيره ظهر اهتمام كبير مش بس بالمنتجات الكوريه و كمان بطريقتهم في العنايه بالبشره لانهم بيعتمدوا في الأساس ان البشره تكون صحيه و خاليه من اى مشاكل او تصبغات او بهتان و بكده تكون مش محتاجه مكياج كتير و تكون تغطيه الفاونديشن بسيطه و مبينه من تحتها بشره صحيه او زى ما بنوصفها احنا بالبشره المنوره .
. جل الصبار:
طبعا ده منتشر انتشار رهيب مفيش حد مكلمش عنه و ده خلى المحلات و بعض التاجرات تبالغ في سعره بشكل رهيب بالرغم من انه ميزته الاساسيه هي رخص سعره يعنى سعره في الأصل لا يتجاوز الخمسه الى سبعه دولار لكن استغربت لما الاقى بعض الأماكن تبيعه ب 100 ريال .(لا تعليق )
الجل الى شريته من انتاج شركه natural repuplic لكنه متوفر من خلال شركات كتير تانيه بس اهم شيء انك تشتريه من محل او تاجره ثقه لان التقليد كتير جدا و منتشر بشكل كبير .
هو عباره عن جل قوامه خفيف جدا مش بيلزق ولا بتحس بوجوده على الجلد بتمتصه البشره بسرعه و بسهوله . هو بالأساس مرطب خفيف يعنى ما تنتظريش منه انه يكون ترطيبه عالي و ده بيخليه مناسب لاى بشره حتى لو كانت دهنيه .
يستخدم لكل شيء و اى شيء الجسم / الشعر/ الوجه/ تحت العيون / بعض الناس تستخدمه على الرموش شخصيا ما جربتش .
يستاهل المدح و اصبح أساسي بالنسبه ليا لسببين :
- ماسك ممتاز لمنطقه تحت العيون يشيل التجاعيد و الهالات لبسيطه و يرطب كمان .
- علاج فورى و فعال جدا لاى حساسيه او لسعات الحشرات او حروق الشمس لانه بارد وفعلا بيهدئ البشره و كمان جربته للأطفال ممتاز.
-عيبه:
ان العبوه عباره كلها مفتوحه فتحه واسعه جدا تساعد على انه يتلوث و تتراكم فيه الجراثيم . بس الحل للموضوع ده انى اول ما اشتريت الجل قسمتها في علب صغيره حسب الاستخدام للعيون و الجلد و الشعر .
اشتريته من الانسجرام حدود 50 ريال .
هناك تعليقان (2):
چِل الصبار او الألوفيرا تركيز 99 % من اي هيرب iHerb --
هذا الچِل رائع من ماركة سايم الكورية , هذا الجل أعجبني كثيراً لأنه مستخلص من نبات الألوفيرا المشهور بفوائده وخصائصه العلاجية المتعددة ,
چِل ملطف متعدد الاستخدامات للوجه والجسم يجعل البشرة صحية ويرطبها بتنشيط العوامل الحيوية الطبيعية بالبشرة مع الألوڤيرا من جزيرة چيچو النقية. يرطب ويلطف البشرة الجافة والمتهيجة بمكوناته المرطبة الغنية
طريقة الاستخدام :
كلما شعرتِ بجفاف البشرة، خذي قدر مناسب ودلِّكي به الوجه والجسم بلطف. دلكي على بشرتك برفق حتى يُمتَص ..
جل الصبار من موقع مشترياتي من اي هيرب
بشرتي تعاني من الجفاف خاصة في فصل الشتاء، بدأت بعلاج البشرة الجافة بروتين مناسب حتي أتخلص من الجفاف ولا أحتاج لوضع المكياج في كل مره أخرج فيها.
إرسال تعليق