الأربعاء، 28 أغسطس، 2013

ريفيو: بنفت مورد الخدود benifit posie tint

مورد الشفايف و الخدود من بنفت يتميز انه بيفضل ثابت لفتره طويله
لونه وردى بينك كريمى هادى لون بارد يمشى مع كل درجات البشره الفاتحه و السمراء  
العلبه زى المانكير فيها فرشاه صغيره خالص 
حجمها 12.5مل 

لكن انا علبتى حوالى 4 مل ﻷنها ضمن مجموعه و طبعا قبل ما استخدمه كنت حاسه انه عيخلص خلال اسبوع بس الحقيقه انك بتختاجى منه كميه صغيره جدا عشان تورد الخدود بشكل ملحوظ و لو عاوزه لوك هادى او بشرتك افتح هتحتاجى كميه اقل يادوب نقطه  يعنى العلبه هتفضل معاكى كتير اوى 
قوامه سايل كريمى سميك شوى اكتر من بنيتنت اﻷحمر 


نصيحتى ليكى استخدميه على خد واحد و إدمجيه بسرعه قبل ما ينشف ﻷنه لو نشف هيثبت و مش هتعرفى توزعيه كويس و هيبقع و لما تخلصى ناحيه ابدئى الخد التانى 
ممكن توزعيه بالاصابع لكنى افضل الفرشاه البلاشر الستبلنج 





النتيجه بيعطى لوك هادى و ناعم طبيعى و تقدرى تزوديه حسب اللوك بس تدريجيا 

مناسب جدا لو بشرتك دهنيه و مش بيثبت فيها البلاشر الكريمى العادى او بتحسيه دهنى معاكى هتحبى المنتج ده و كمان مناسب البشره الجافه 

حلو فى فتره الصيف مع الحر و العرق ﻷنه ثابت ،و كمان خفيف مش هتحسي باى طبقه على البشره كانك مش حاطه حاجه 
هو فى ضى او جلو بسييييييط خالص مش مات 

بالنسبه للشفايف لو شفايفك فاتحه هيديكى لون باربى بينك 
اللون بيكون اغمق كل ما بشرتك كانت غامقه حسب لون  شفايفك و ﻷنى شفايفى غامقه شوى كان لونه بينك وردى متوسط 

المشكله انى اول ما استخدمته على الشفايف كان حلو جدا  و محستش بأى جفاف لكن بعد ساعه و نصف تقريبا حسيت انه بدأ يبقى ملزق شوى بسيطه ، و جاف و كان لازم احط فوقه مرطب او جلوس خفيف 


السعر حوالى 150 ريال 
متوفر فى وجوه و سيفورا  




ليست هناك تعليقات:

إرسال تعليق

للاعلان على المدونه

للاعلان على المدونه