الأربعاء، 11 يونيو، 2014

ريفيو: بلاشر ميلانى rose d'oro:

بلاشر ميلانى من المنتجات الى عليها مدح كتير قنوات اليوتيوب الاجنبيه و ده شئ خلانى احب  اجربه و احكم عليه بنفسي لان الاراء بتختلف من شخص للتانى .
-اشتريته اون لاين من موقع اجنبى و متوفر عند تاجرات الانستجرام .



- سعره مش غالى لانه من منتجات drug store .
- ميلانى كشركه منتجاتها مشهوره و معروفه ان جودتها حلوه لكن اشهر منتجاتهم هى البلاشر (احمر الخدود) و الارواج و كمان اقلام العيون عندهم رائعه .
- بالنسبه ليا دى مش اول مره اجرب بلاشر مخبوز backed و انواع البودره المخبوزه معروفه انها ممكن تستخدم بفرشه جافه او مبلله لكن مفتكرش ان ممكن حد يجرب ده مع البلاشر لانه هيكون لون كثيف جدا و صعب الدمج بشكل رهيب و اكيد النتيجه مش هتكون حلوه ابدا لكن بالنسبه للايشادو اكيد ده بيكون ميزه حلوه .

- التغليف:
علبه بودره مدوره و محكمه الغلق مش سهله الفتح و ده دايما بيكون ميزه .
العلبه عباره عن دورين الاول فيه المنتج (البلاشر) و الدور الى تحته فيه فرشه مدوره.
الفرشه مالهاش لازمه و جودتها ضعيفه جدا مصنوعه من شعر خشن .
الطبقه التانيه كمان فيها مرايه مدوره .




حسيت ان التغليف ممكن يكون افضل من كده بكتير و ابسط خاصه انها من طبقتين و ده سبب ان حجمها يكون كبير نسبه لحجم المنتج نفسه . 
ميزته انه من فوق شفاف تقدرى تشوفى لون البلاشر بسهوله .


- المنتج:
البلاشر عباره عن خليط متداخل ما بين اللون البرونزى و النحاسي و فيه اجزاء منه دهبى صريح و كل لون منهم بلمعه مفيش مطفى خالص فيهم .






- الاستخدام:
من اول استخدام ليه حسيت انه مش باودر خفيف هو مضغوط جدا فى العلبه يعنى مش من اول لمسه للفرشه بيطير و دى حاجه كويسه .
لونه على البشره مش وردى ولا بينك ابد ا هو بعيد تماما عن اى درجه وردى هو نحاسي على برتقالى لون دافى مناسب لاى لوك سواء بسيط او تقيل .
لامع لامع لامع منصحش بيه لاى حد بيعانى من المسام الواسعه فى منطقه الخدود و مش محتاج معاه اى اضاءه هو مضئ لوحده .

-الثبات :
درجه ثباته حلوه خاصه لو استخدم بعد كريم الاساس بدون بودره قبله .

-الخلاصه :
مبسوطه جدا انى اشتريته لانه مختلف عن انواع البلاشر الى فى مجموعتى و اضافه حلوه وسعره معقول واللون ده بشكل خاص مميز جدا مش متوفر فى ماركات كتير .

ليست هناك تعليقات:

إرسال تعليق

للاعلان على المدونه

للاعلان على المدونه