السبت، 5 ديسمبر، 2015

قصه عطر : التين الايطالى من ذى بودى شوب

السلام عليكم ريفيو المره دى هيكون مختلف شويه لانه عن عطر و العطور دى اذواق بتختلف من شخص للتانى ممكن احب ريحه معينه غيري يعتبرها مش حلوه  عشان اتكلم عن اى عطر فى الاول احب اقولكم ان كل الجسم بيتفاعل مع اى عطر بتستخدميه و ممكن حراره الجلد تغير شويه من ريحته او ثباته معاكى كمان حاجه انا شخصيا لاحظتها لو فضلت استخدم برفان معين لمده طويله و مغيرتهوش ابدا احس انى مش شماه بالرغم ان لو واحده صاحبتى جنبى بتكون شماه بوضوح .









ندخل على رأئي فى البرفان
هو اصدار جديد من ذى بودى شوب ضمن مجموعه من خمس  عطور هى التين الايطالى . الزهر اليابانى اعتقد ان ده كان موجود من قبل كده بس دى اعادة اصدار له .
كمان من ضمن المجموعه الجديده الياسمين الهندى و اللوتس و الورد .
انا مجربتش منهم غير التين الايطالى


التغليف:

حجم العبوه 50 مل  حلو ءلو حابه تسافري بيه او فى شنطه ايديك
مصنوعه من الزجاج بشكل يشبه تقطيع الكريستال
حجمها صغير مش كبير لانها على شكل نص كره
لما سالت عرفت انهم مستوحين شكل الزجاجه من خطوط الطول وةالعرض حول الكره الارضيه عشان كده اختيارات العطور بشىء مميز من كل بلد حول العالم عجبتنى الفكره .
شكلها قيم و شبابي لكن مش فخم .
البخاخ حلوة فى الاستخدام بيرش كويس بخات خفيفه و متساويه .

العطر :
مكوناته .....
الطبقه العليا : ورق العنب و الزعفران ورائحه أوراق التين .
القلب :  تين ايطالى ورد توسكانى .
الأساس : خشب البلوط و الكهرمان .

تجربتى :
حسيته فريش و ممتع جدا لانه بعيش معاه تجربه لها كذا مرحله يعنى اول ما ارشه اشم ريحه ورق شجر فريش و بعد كده تقلب على سويت خفيف مدموج مع روز
يعتى مقدرش احدد حاجه واحده شماها لانهم اكتر من ريحه بالتساوى فبكون حاسه انها تجربه حلوه و ممتعه .
ثباته ممتاز بيفضل طول اليوم و ساعات اشم الريحه على الهدوم لليوم التانى .
ثباته على بنتى الصغيره كان اكتر .
سعره مناسب و  جماله فى انه مش تقليدى و مختلف عن اى عطر شميته قبل كده.

ليست هناك تعليقات:

إرسال تعليق

للاعلان على المدونه

للاعلان على المدونه