الاثنين، 6 يناير، 2014

تجربتى مع منتجات نيتروجينا لتنظيف البشره

السلام عليكم  من فتره جربت منتجات من نتروجينا ﻷن غسول كلينيك اوشك أن يخلص تماما فحبيت إنى أدور على بديل يكون سعره اقل و لقيت أن نيتروجينا متوفر فى كل حته بوتس و السوبر ماركت و الصيدليات كلها مش بس الصيدليات الكبيره و سعها مناسب جدأ اقل من تلاتين ريال

 
 

غسول نيتروجينا يومى:

عباره عن جيل سميك و تقيل لونه اصفر العبوه مريحه فى اﻹستخدام ﻷنها بامب تقدرى تتحمى فآالكميه الى محتاجاها

المنتج نفسه ريحته منعشه احب استخدمه الصبح احس انه يفوقنى رغوته ملمسها ناعم و غنى و فى نفس الوقت ينضف بعمق بدون ما يجف البشره حبيته كاستخدام يومى ﻷنه لطيف بس ينضف كل الوجه من كل الزيوت و الدهون المتراكمه طول اليوم و كمان مناسب ليا ايام الكسل ﻷزاله المكياج حتى مكياج العيون ﻷنه مش بيحرق العيون

كمان جربوها يا بنات لتنضيف البيوتى  بلندر روعه هترجع جديده و نضيفه اوى و لونها زاهى زى اول مره استعملتيها فيها

من مميزاته انه مش بينشف الوجه اوى بعد الغسل مش بحس ان وشي مشدود و جاف  بالعكس بحس وشي مرتاح اوى معاه انصح بيه كاستعمال يومى خصوصا فى الشتا الى بشرتها جافه ﻷنى بحس الغسول الى بيكون كريمى مش بينضف زى الجيل

اكيد هشتريه تانى

سعره عشرين ريال زى ما قولتلكم انه متوفر فى كل مكان




 

 

ماسك وغسول فيسبلى كلين visbly clean :

عباره عن انبوبه عاديه سهله الستعمال و عمليه المنتج نفسه لونه ابيض فيه حبيبات  صغيره اوى مش زى السكرب العادى ﻷ دى صغيره جدا و ملممسه كريمى غنى

الطريقه اﻷولى كماسك لمده عشر دقايق:

المفروض يتحط خمس دقايق بس انا بحب  اطول شويه مع الماسكات و غالبا بنساها

انا عارفه انه منتج مش جديد و كمان مش بشوف كتير بيتكلم عليه مش عارفه ليه ﻷنى جربت منتجات كتير اوى اشكال و الوان من كل المستويات بس الماسك ده من الماسكات القليله جدا الى فعلا بتعمل مفعول قوى فى اول استعمال و حسيت بفرق كبير اوى خصوصا الى بتعانى من مسام واسعه و دى مشكله سخيفه ﻷنها  بتبوظ أى مكياج بس قلت كتير مع استعمالى الماسك و ممكن الى بشرتها مختلطه زى تستعمله على منطقه التى زون بس الجبهه و النف و الدقن ﻷن هى دى المنطقه الى بيكون فيها مسام و دهون كتير اديله عشره من عشره روعه

الطريقه التانيه كغسول و سكرب:

حبيت ان الحبيبات ناعمه ومش بيجرح الوش و كمان كل لما كانت الحبيبات صغيره تنضف عمق البشره و المسام اكتر بعمق مناسب اكتر ﻷصحاب البشره الدهنيه و انا بشرتى حساسه  وكان مناسب ليا جدا قلل من الحبوب بشكل واضح

سعره تلاتين ريال متوفر فى كل حته

اكيد هشتريه كلتير كماسك اعتمد عليه و كغسول فى الصيف اكتر

 

ملحووظه:

البنات الى بتعانى من الحبوب انصحكم بالمنتجين انهم فيم مركب سيليسك اسيد يقلل من الحبوب الموجوده عندك و اﻷجمل انه يحمى بشرتك من ظهور أى حبوب جديده و يضمن ان البشره تكون متنضفه كويس قبل أى مكياج او حتى كريمات اليل


هناك تعليق واحد:

Sara Samir يقول...


شركه هابي هوم افضل شركه في الرياض والقصيم لكشف تسربات المياه في منزلك بدون تكسير مع اصلاح الخراب باحدث الاجهزة الالكـترونـية مع الحفاظ علي المياه و توفـير المال ت؛
0532269617 _0559364640
لزياره الموقع اضغط علي كشف تسربات المياه
كشف تسربات المياه
كشف تسربات المياه
كشف تسربات المياه

إرسال تعليق

للاعلان على المدونه

للاعلان على المدونه