الأربعاء، 2 أبريل، 2014

منتجات نددمت انى اشتريتها

السلام عليكم و أخيرا قررت انى اعمل بوست عن اكتر منتجات اشتريتها و كانت فاشله بالنسبه ليا او على الأقل مش على نفس المستوى الى كنت متوقعاه

النوع ده من الريفيوهات بيكون صعب شويه لانه ممكن يكون له رد فعل سلبي من بعض الناس المتحمسه للمنتجات الى انا  ندمت عليها
عشان كده في شويه نقط مهمه لازم تحطيها في الاعتبار و انتى بتقري موضوع ده

الى ناسبنى مش ضرورى انه يناشب غيري لاختلاف نوع البشره و الشعر والازواق

1- سبراى حمايه الشعر من لوريال بروفيشنال :
اول مشكله فيه انه ريحته مزعجه بشكل غريب و الاسوء انها بتفضل الريحه في الشعر مش بيتروح غير بعد فتره .
المفروض انه بيستخدم قبل استخدام لسيشوار او الفرد بس لانه بيبلل الشعر اكتر من اللازم بيكون لازم تستنى شويه بعد ما تستخدميه يعنى لو مستعجله مش هيناسبك.
المشكله الاكتر انه بعد استخدام الستريت بيخلى الشعر جاف و بحس انه بيقصف الأطراف او على الأقل بيبنها مقصفه.



2- detox seaweed كريم السلوليت:
اشتريته من بوتس تاثيره الصراحه كويس بس سبب انى ندمت انى شريته هو قوامه متكتل بشكل فظيع زى ما باين في الصوره عشان كده صعب استخدامه .

 
 
3- ماسكرا كلارنس wonder perfect :
فرشتها كويسه مشكلتها الوحيده ان قوام السائل فيها خفيف عشان كده مش يعمل اى كثافه ولو حاولتى تستخدمى طبقات هتتكتل بشكل مش حلو الخلاصه انها ما تستاهلش تمنها ابدا.
 

 


4- مابيلين color tattoo :
اكتر منتج عليه مدح في السوق وفعلا يستحق المدح المشكله في درجه محدده وهى ETERNAL GOLD 05 لونها دهبى فيها جليتر صعب توزيعه على الجفن و دمجه سئ بيطلع مبقع مش متوزع بالتساوى حتى لو استخدمتيه كاساس للايشادو البودره برضه هيكون مش متوزع بلتساوى و هتبان عيوبه .




5-ايشادو مزدوج من E.L.F:
البودره ناعمه اكتر من اللازم عشان كده لما بستخدمه معظم اللون بيتناثر تحت العين و مش بيكون لونه قوي على الجفن و ثباته سئ مش اكتر من ساعتين حتى مع بايمر .


 

6-بودره ماكس فاكتور crème puff:
من اكتر مبيعات شركه ماكس فاكتور و الكل بيمدح فيها لكنها م ناسبتنيش ابدا لانى بشرتى جافه و البودره جافه جدا مش ناعمه و يطلع بصعوبه في الفرشه غير ان لونها بينك مش بيج عشان كده بتدى مظهر مش طبيعى ممكن تناسب أصحاب البشره الدهنيه .
 
 

7- كونسيلر اوريفلام absolute concealer:
سائل لدرجه كبيره مش بيثبت على البشره ابدا و غير كده انه مش بيتوزع بالتساوى و تغطينه تكاد تكون معدومه يعنى حتى لو عندك هالات خفيفه مش هيناسبك .



أتمنى ان الموضوع يمون عجبكم واى استفسارات او اسئله اكتبوها تحت الموضوع او على الإنستجرام 

ليست هناك تعليقات:

إرسال تعليق

للاعلان على المدونه

للاعلان على المدونه