الأحد، 6 أبريل، 2014

ريفيو: ارواج بوبى براون





السلام عليكم يا بنات طبعا انتو عارفين انى بحب التخفيضات و العروض الخاصه و من فتره كانت ارواج بوبى براون على بالى لكن المشكله انها مش متوفره في المكان الى انا فيه عشان كده قررت انى هشتريها من لمواقع المتخصصه في بيع المكياج و خاصه ان معظم تاجرات الانستجرام مش بيوفروها 

و بعد فتره اتفاجأت لما لقيت موقع ستروبرى نت عامل عنهم عرض خاص خيالى كان العرض عباره عن طقم ممكزن من 3 ارواج  بوبى براون  بسعر 122 ريال سعودى

كمان متوفره في الأسواق الحره او ممكن على مبيعات الطائره بأسعار كويسه بس اغلى شويه .

طبعا اشتريتهم و وصولونى بالسلامه الكلام ده من فتره طويله حوالى 3 شهور و طول الفتره دى اكيد استخدمتهم بما يكفى انى أقول رائى فيهم


- التغليف :

اول حاجه لاحظتها ان الارواج وزنها تقيل عن العادى طبعا كميه المنتج زى اى روج تانى بس الفرق في التغليف حسيت انه شيك و قيم و الأهم انه بيتحمل الصدمات و ده عن تجربه لان بنتى مش سايباهم في حالهم .
الغطا محكم مش بيتفتح لوحده لو حطيته في الشنطه .



درجات الألوان :



الألوان التلاته بدرجات طبيعيه  ما بين الغامق و الهادى .
1- soft rose :






اكتر درجه حبيتها في التلاته لونها روز هادى  طبيعى  بيليق على اى لوك عيون خاصه البنيات لانه فيه اندر تون على بنى هادى

2- sandwash pink:




لونه كمان هادى و هو الأفتح في التلاته روز على موف  أتمنى الصوره تكون موضحاه
كمان هيكون مناسب لأى لوك ولأى وقت .
اللون في الواقع غير الصوره على موقع بوبي براون تماما الألوان في الحقيقه دافيه مش بارده وفاتحه زى صور الموقع .

3- nude:


اللون الاغمق ما بين المجموعه بنى محمر لكنه طبيعى بس مش نود خالص  و ده الى معجبنيش فيه مش هيتناسب مع حاجات كتير خاصه لو بشرتك بيضا او توسطه لكن لو انتى سمره هيكون جميل لازم معاه لوك هادى خالص


- بشكل عام :
- الارواج روعه حبيتها و حبيت ملمسها لانها ما بين المطفى و العادى مافيهاش اى لمعه لكن احساسها على الشفايف مريح مش جاف لكن لو شفايفك مشققه ممكن يبين التشققات فيها واضحه .

- الألوان صريحه بيجمنت جدا مش محتاجه استخدم غير طبقه واحده عشان يدى تغطيه كامله ممتاز في النقطه دى .

- اختيار الدرجات عشان يكونو في مجموعه واحده كويس لكن كنت أتمنى ان لون نيود يكون افتح شويه

- كاول تجربه ليا مع بوبى براون عجبنى جدا منتجاتهم و حبيتها و اكيد هكررها تانى

 

هناك تعليق واحد:

Nermeen Nasef يقول...

الريفيو بتاعك ممتاز ومفصل ودقيق ..حبيت المدونه جدا وعملتلك فلو على كل الوسائل الاجتماعيه اللي انتي حاطاها..تحياتي nnasef على الانستاجرام

إرسال تعليق

للاعلان على المدونه

للاعلان على المدونه