الاثنين، 21 أبريل، 2014

ريفيو: طلاء الاظافر من e.l.f +سواتش :

النهارده هكتب عن تجربتى مع مناكير ماركه الف طبعا الماركه دى اتكلمت عن منتجات كتير منها فى المدونه و على الانستجرام كتير قبل كده و في منها الكويس و منها السئ  ميزتها انها رخيصه و عيبها انها مش متوفره عندنا بسهوله الا من خلال التاجرات و ده بيزود اسعاره و بيخليها مش فارقه فى السعر عن ماركات احسن فى الجوده و متوفره فى السوق كمان يعنى تقدرى تجربيها و تشوفيها بنفسك قبل ما تشتريها زى ماكس فاكتور و ريفلون و ريميل ده طبعا بالنسبه للمناكيرات بس مش باقى المكياج .




المهم انى جربتهم عشان اقولكم رائى فيهم لانى لقيت عليهم ناس كتير بتمدح و ناس كتير بتقول انها مش حلوه ابدا.



التغليف :
العلبه عاديه زى اى طلاء اظافر من اى نوع كويس زجاج سميك بيتحمل الخبطات و الوقعات لانه وقع منى كتير جدا و متاثرش ابدا  و الغطا كويس لانه محكم الغلق مش بيسرب ابدا لكن مشكلته انى لما بحاول اقفله جامد الغطا الى فوق بيلف اكتر من اللازم ز صعب انى اعدله مكانه تانى  و دى فى مش ازمه لكنها بتدايق فى ترتيبهم جنب بعض و شكلها مش حلو غير كده ملقتش اى مشاكل فى التغليف .



الفرشاه :
عاديه كنت اتمنى انها تكون اعرض شويه لكن فى النهايه هى بتأدى الغرض منها و مناسبه امتر لو ضوافرك مش كبيره او عريضه  و ى نفسها ناعمه مش ناشفه و مش بتبين خطوط فراغ على الضوافر و بتاخد من السائل كميه مناسبه جدا يعنى الخلاصه انها سهله الاستخدام .



السائل :
- حبيت فيه انه متوفر بدجات كتير اوى و بيحاولوا بنزلوا احدث الالوان حسب الالوان الموضه لكل موسم يعنى اكيد هتلاقى الى بتدورى عليه.
- عشان اقدر اكون راى كويس عن المنتج اخدت منهم الالوان الاساسيه المعروفه لا يمكن الاستغناء عنها عن اى بنت و هى الاحمر لصريح و عجبتنى الدرجه جدا لانها مظبوطه احمر بدون اى اضافات مش فاتح ولا نبيتى و كمان لاحظت انه لون غنى تغطيه كامله من طبقه واحده بس مش محتاج طبقه شفافه لان لمعته جلوسى وحلوه .




- كمان اخدت الالوان الباستيل الاخضر الفاتح و البرتقالى الفاتح و الموف الفاتح  الالوان نفسها خطيره مناسبه لى اى لون بشره حتى لو ايدك سمره مش هتبان اغمق بالعكس تماما العيب الوحيد الى لقيته فى الدرجات الفاتحه انها مش سميكه زى الغامقه سايله اكتر و ده بيخليها مش باينه غير لما احط طبقتين على الاقل و كمان بتتقشر بسرعه اكتر لازم ستخدم معاها top coat   .





- مجموعه الفرنش هى حسيتها من الاساسيات الى لازم تكون متوفره عند  اى بنت لانها بتدى مظهر راقى بدون تكلف و فيها لون شفاف ده اساسي احب استخدمه قبل و بعد اللون و ممكن لوحده كمان بيددى لمعه كويسه مش احسن حاجه جربتها فى انوع احسن بكتير يعنى لا يقارن ب "سالى هانسن " مثلا  و اللون النود البيج الفاتح خالص  بالنسبه ليا ملوش لازمه لانه مش بيبان معايا اصلا كمان حسيت انه مصفر اكتر من اللازم  و اللون الكريم الفاتح  مشكلته انه شفاف و لازم منه طبقات كتير عشان يبان و ده بيخليه مش بينشف بسهوله  الخلاصه ان االمجموعه دى معجبنيش خالص فى ماركات افضل بكتير .



-الموف و الفوشيا الغامق حلوين جدا فى جودتهم و كثافه اللون يشبهوا الاحمر كتير فى الخامه و الثبات برضه منهم طبقه واحده كفايه و ده بيخايهم ينشفوا بسرعه و مش بيتقشروا بسهوله حبيتهم .

- المضمون من منكير ماركه الف ان اللون الغامق ممتاز و هايل بانسبه للسعر لكن الفرنش و االالوان الفاتحه مستواها متوسط مش سئ
و اتمنى الريفيو يكون عججبكم و شكرا لمتبعتكم المدونه .


ليست هناك تعليقات:

إرسال تعليق

للاعلان على المدونه

للاعلان على المدونه