الثلاثاء، 29 أبريل، 2014

مفضلاتى فى شهر ابريل

السلام عليكم بمناسبه انتظامى فى المدونه قررت انى هعمل نهايه كل شهر تدوينه عن اكتر منتجات حبيتها و استمتعت بيها 




نبدأ بمنتجات العنايه :

- عطر فاراواى من شركه أفون ريحته خشبيه هاديه لكن ثباته قوى جدا ممكن توصل طول اليوم عندى بقاله فتره طويله سعه 50 مل و أوقات أحب أستخدمه على المخدات يخلى ريحه الغرفه كلها خطيره .



- زيت شجره الشاى من بودى شوب إستخدمته الشهر ده لان ظهرلى كام حبايه فى وشى و كالعاده استخدمته باليل الصبح بيبقي الحاله احسن بكتير بس استخدمه مرتين على اى 
نطقه فيها  حبوب بيعالجها تماما .



-تونر منعم و مهدئ للبشره الجافه من كلارنس طبعا انا احب الماركه دى بس التونر ده مريح للبشره خاصه ان بشرتى مختلطه الى جافه استخدمه مره واحده بالليل قبل السيروم و بعد التنظيف و استخدمه حول منطقه العيون لانه خالى من الكحول تماما .

- skin boost من بودى شوب بفيتامين c فى البدايه مكنتش مرتاحه معاه بس بقى من مفضلاتى الشهر ده لانى استخدمه بطريقه مختلفه و هى كبرايمر قبل المكياج اوزعه على بشرتى بعد ما تتشرب المرطب اليومى و يخلى كريم الاساس ثابت و توزيعه سهل .

مبيض الاسنان من بوتس اول مره اجرب منتج اسنان من ماركه بوتس بس مفعوله حلو و سريع و حسيت انه مناسب لاسنانى الحساسه مش هقدر استخدم معاها لصقات لان اللصقات قويه .

منتجات المكياج:

- فرشه ريل تكنيك contor brush  روعه استخدمها يوميا للكونتور أو الإضاءه سهله فى الإستخدام حتى لو مش محترفه و تنظيفها سهل جدا .

كريم الأساس من ماكس فاكتور second skin  عملت عنه ريفيو مفصل هتلاقوه هنااا و هو مريح لبشرتى و دمجه من سهل ما يمكن و يدى مظهر طبيعى .

- بودره مضغوطه من ايلف عندى من فتره ميزتها انها ناعمه و مش بتدى مظهر مات تشبه كتير لبودره stay matt but not flat  من nyx  و لكن لأنى إخترت الدرجه من النت طلعت غامقه عليا فاستخدمها برونزر ناعم .



-اضاءه high beam من بنفت غنيه عن التعريف  حبيت استخدمها لأنه ثابته و ناعمه و كمان العبوات الصغيره غالبا بتتنسي لحد ما ينتهى تاريخ صلاحيتها فقررت انى اخلصها .

- شادو برونزى من ماكس فاكتور حبيت الدرجه على كسره العين حسيت انها مناسبه للصيف و كثافه اللون مش واو لكنها معقوله .



- باليت الأرواج من الف اكتر من رائعه ثبات اكتر من خمس ساعات و درجاتها متنوعه جدا و كثافه اللون جميله .

هتلاقونى كمان فى الإنستغرام و التويتر و الفيسبوك.

ليست هناك تعليقات:

إرسال تعليق

للاعلان على المدونه

للاعلان على المدونه