الاثنين، 5 مايو، 2014

ريفيو : كونسيلر ماك select cover-up :

مين مننا مش بيعانى من الهالات الغامقه تحت العين شخصيا دى اكتر حاجه بتضايقنى و مع الارهاق و السهر و قله النوم بتزيد اكتر و مع الاهتمام و شرب الميه كتير و كريمات من نوع كويس بتقل كتير لكن مش بتختفى عشان كده  الكونسيلر بالنسبه ليا من اهم الحاجات فى المكياج . 




الكونسيلر ده اول منتج اشتريته من ماك فى حياتى و قبل ما اروح ماك سألت البنات عندهم خبره فى منتجاتهم و كل الناس بلا استثناء كانت من ضمن إقتراحاتهم كونسيلر ماك و اختلفت الأراء مابين select cover-up و بين محبوب الملايين  pro long wear  و لما روحت المحل و جربتهم حسيت إن ده تغطيته اكتر من برو لونج وير عشان كده اخترته.

-ماك نفسها بتقول أن المنتج ده عباره عن كونسيلر قوى لإخفاء عيوب البشره و انه بيبان طبيعي سهل الدمج بيفتح و يضئ المناطق الغامقه و يستخدم قبل كريم الأساس أو لوحده متوفر منه 13 درجه. ( ده ترجمه م موقع ماك )

-الدرجات:
 الدرجات كتير و أكيد هتلاقى الدرجه إلى تناسبك أنا درجتى NC 30 و هى نفس لون بشرتى بالضبط مش أفتح لكن ناويه أشترى الأفتح بدرجه واحده كاضاءه تحت العين .
لكن الدرجه دى مناسبه برضه بتندمج كويس مع كريم الأساس و مش بتبان فرق بينهم و بتندمج مع البشره .




-التغليف:
بسيط جدا عباره عن أنبوب عادى حبيته لأنه سهل فى الإستخدام و اقدر أتحكم فى الكميه إلى عاوزاها بالضبط حتى لو عاوزه نقطه بسيطه لأن الفتحه فيها رفيعه .
كمان حبيت إنها محكمه الغلق و ده يخليه فى السفر أو الشنطه أمان مش هفتح لوحده.




التغطيه :
دى كانت أهم نقطه بالنسبه ليا التغطيه أكتر من ممتازه كامله بتغفى أى عيوب سواء فى البشره أو تحت العيون حتى المسام الواسعه بتغطيها .

- الملمس :
سائل  كثيف لكن دمجه سهل جدا ساء بالأصابع أو بالبيوتى بلندر أو بالفرش ومش بتكتل ولا بيخطط  لكنه بينشف بسرعه لازم يندمج بسرعه وكثافه اللون حلوه نقطه منه بتغطى كويس منطقه الهالات .



-الثبات:
طول اليوم ثابت لكن لو بشرتك دهنيه أو الجو حر لازم يتثبت بالباودر لانه ممكن يخطط تحت العين .

- المنتج تجربتى معاه ناجحه جدا و أكيد من احسن الكونسيلر إستخدمتها و لو خلص هرجع أشتريه.



ليست هناك تعليقات:

إرسال تعليق

للاعلان على المدونه

للاعلان على المدونه