الأحد، 18 مايو، 2014

ريفيو: باليت سموكى من بنفت benefit" smokin eyes" kit:

ريفيو النهارده عن باليت من ماركه بنفت المعروفه لكن الباليت نفسها مش معروفه ولا مشهوره زى باليت بنفت التانيه .

فكره الباليت عجبتى جدا حاولت بنفت تغطى اكترالإستخدامات و  الالوان سهله فى الاستخدام و كمان تكون اساسيه و مناسبه للسفر بيها .


التغليف :
كعاده بنفت التغليف شكله حلو و بسيط مصنوعه من الورق المقوى و الباليت دى بالأخص حجمها صغير جدا قد كف اليد و التغليف نفسه قوى و مناسب للسفر و الصدمات .


فيها مرايه بحجم الباليت جودته عاليه و صورتها نقيه وواضحه مش محتاجه غيرها عشان تعملى مكياجك.



الباليت بتقفل بالمغناضيس قوى مش بتتفتح فى الشنطه .
على ضهر الباليت فى شرح كميات و انواع المنتجات الموجوده فيها.
ارتفاع الباليت سمكها قليل لا يتعدى سم و نصف .




1- الايشادو(ظل العيون):



- لون زور هادى لامع لمعه هاديه و بسيطه لؤلؤى مفيش شيمر ولا جليتر ممكن استخدامه بطريقه خفيفه كإضاءه تحت الحاجب أو اضاءه للوجه أو بفرشه الأيشادو بطريقه الطبطبه عشان اللون يكون اوضح و اتقل .

-لون رمادى على بنى بلمعه فضيه جميل من اكتر الدرجات الحلوه بالبااليت لونه متغير حسب اتجاه الضوء عليه (duo chrome) لونه خطير لو استخدم على كامل الجفن و يعطى نتيجه احترافيه بالرغم من سهولته.

- لون مطفى درجته بنى غامق جدا مع شويه اسود و ده مناسب لكسره العين مع الدمج بفرشه خفيفه لمظهر طبيعى او بالطبطبه عشان اللون يبان كثيف و غامق اكتر و كمان حلو فى الاستخدام تحت خط الرموش مع الدمج لمظهر دخانى (سموكى) .

الالوان التلاته بشكل عام جودتها نفس جوده الالوان المفرده من بنفت فى النعومه و سهوله الدمج وقوه اللون .
حجم كل درجه 1.1 جم مع العلم ان شادوهات ماك 1.5 جم .

2-قلم لاينر العيون :
قلم كحل لونه اسود ناعم و لونه واضح مش ضد الميه ثباته لفتره متوسطه لو داخل العين لكن لو فوق العين ثباته بيكون اكتر .
حجمه معقول للسفر .




3-شمع رسم الحواجب browzing wax:
من أكتر المنتجات الى حبيتها بالباليت و خليتنى افضلها فى السفر عموما بالنسبه للحواجب انا افضل الشمع اكتر من البودره لانه افضل فى الثبات و تشكيل الحاجب و ممكن بعد الشمع اثبته بالبودره ( لون الظل الغامق فى نفس الباليت ).
لونه متوسط يناسب معظم الدرجات خاصه انه لونه مش كثيف يعطى فرصه ليكى تعيدى على اللون لو بتحبيه قوى او تكتفى بمره واحده لو تحبي المظهر ااطبيعى اكتر.
ثباته قوى لفتره طويله حتى بدون التثبيت بالبودره.



4- مضئ العيون eye bright:
 عباره عن كريم سميك يتحول لشبه بودره قوامه شوى غريب يحتاج فتره عشان اتعود عليه .
استخدامى ليه حاليا كاساس للشادو فوق كامل الجفن قبل المكياج .
سميك جدا مش سهل استخدامه بالفرشه عشان كده استخدمه بالاصابع و ده بيسهل دمجه و توزيعه و يثبت الشادو طول اليوم .
ممكن استخدمه عند مدمع العين يضئ المنطقه فعلا .

5- فرشه مزدوجه :
فرشاه حجمها صغير و توقعت ان تكون جودتها سيئه لكن فى الحقيقه انها ممتازه .
ناحيه عباره عن فرشاه ناعمه و منفوشه ممتازه للدمج خصوصا للمبتدئات او الى جفنها صغير .
فرشه مشطوفه رفيعه للايلاينر شعرها صناعى مناسبه للحواجب او رسم الايلاينر .

6- ملقاط حواجب :
حجمه صغير جدا اطرافه حاده و ثابت فى الباليت بالمغناطيس .
كاستخدام مقدرش اقول رائى لانى مجربتهوش .




الخلاصه :
انصح بالباليت اكتر من رائعه و قيمه و استخداماتها كتير 

-متوفره فى سيفورا - وجوه .




هناك تعليقان (2):

Noor يقول...

This is my absolute favorite. I use it daily with the elf eyebrow stencils to get the perfect brows using the slanted brush and eyebrow mix. Plus the tweezers are the best.

beautyandbeyound@gmail.com يقول...

Noor im so proud that u commented on my blog , thank you so much , im big fan of u

إرسال تعليق

للاعلان على المدونه

للاعلان على المدونه