الجمعة، 5 سبتمبر، 2014

ريفيو: مجموعه نيوتروجينا للمعان و المسام الجديده pore&shine:

الريفيو اليوم عن منتج جديد من نيوتروجينا انا شخصيا احب الماركه دى و اعشق منتجاتها لانها اسعارها حلوه و نتيجتها مقاربه للماركات الغاليه زى كلينيك 

لما شوفت المنتجات دى لاول مره فى المحلات على الارفف مش عارفه ليه فهمت انها للبشره الدهنيه يمكن عشان لون التغليف و انها مكتوب عليها للمعان البشره فحسيت انها مش هتناسبنى ابدا لان بشرتى جافه مختلطه 
لما جربتها اكتشفت العكس تماما هى للبشره الجافه و مرطبه جدا 
لكن ليا عليها ملاحظات


هبدا مع منتج المقشر لانه مميز جدا لاصحاب البشره الجافه عارفين يعنى ايه بعد التقشير تحسي ان بشرتك مشدوده و جافه وتحسي انها قربت تشقق و لازم تستخدمى بعد المقشر كريم مرطب قوى وغنى  
مقشر نيوتروجينا حل لصحاب لبشره الجافه المشكله لانه مرطب كثيف مش محتاجه بعده اى مرطب 
قوامه كثيف جدا و فيه حبيبات مختلفه الاحجام حسيت انه كريمى وسميك جدا 
اكتر شئ حبيته فيه انه فعلا بينضف المسام بشكل عميق و تشوفى فرق قوى فى حجم المسام قبل و بعد الاستخدام خاصه للرووس السوداء عند الانف بعد استخدامى للسكرب ده بطلت استعمالى لصقات الانف من بوريه 
عيبه انه بيسيب اثر دهنى تقيل على البشره مش محبب بالنسبه ليا 
استخدامه ليه كمقشريومى لانى متاكه انه مش هينشف البشره 
لازم بعده اغسل وشى بغسول عشان احساس الدهنى يروح 


الغسول كمان حبيته بعد  المقشر او استخدام يومى لوحده هو كترطيب اقل من السكرب لانه جل و رغوته حلوه لكن مش كتير
ريحته ليمون منعشه وفريش 
بيشيل المكياج التقيل والماسكرا 


المجموعه معقوله  وسعرها رخيص حوالى ثلاثين ريال الواحده 
لكن فى منتجات افضل بكتير جربتها من نيوتروجينا 
مناسبه للبشره الجافه ولو حد بشرته دهنيه مش هتناسبه ابدا أنصحه بالمجموعه البرتقالى افضل له 
اعتقد انى ممكن احبه اكتر فى الشتا 

*المنتج مقدم من شركه tish tash .

هناك تعليق واحد:

Sara Samir يقول...


شركه هابي هوم افضل شركه في الرياض والقصيم لكشف تسربات المياه في منزلك بدون تكسير مع اصلاح الخراب باحدث الاجهزة الالكـترونـية مع الحفاظ علي المياه و توفـير المال ت؛
0532269617 _0559364640
لزياره الموقع اضغط علي كشف تسربات المياه
كشف تسربات المياه
كشف تسربات المياه
كشف تسربات المياه

إرسال تعليق

للاعلان على المدونه

للاعلان على المدونه