الثلاثاء، 25 نوفمبر، 2014

ريفيو: غسول مقشر البشره نيوتروجينا للتحكم بالحبوب:

السلام عليكم يا بنات....




من المنتجات الى جربتها الفتره الاخيره غسول المقشر مضاد للحبوب من نيوتروجينا الغسول ده انا كنت متحمسه انى اجربه جدا  لان بشرتى من النوع الحساس جدا بتتاثر باقل شئ و اكتر شئ ممكن تسبب لى حبوب قله النوم طبعا و الضغط العصبي .





التغليف :
لا يختلف ابدا عن معظم منتجات نتروجينا بسيط و محكم و سهل الاستخدام و مناسب للسفر اكتر من العبوات الضاغطه .


المنتج:
عباره عن مقشر كريمى سميك لازم اضغط كويس على الانبوب عشان يخرج المنتج وفيه حبيبات لونها اخضر كميه الحبيبات وفيره .
ريحته منعشه ما بين الخيار و النعناع .



الاستخدام :
استخدمه مره واحده باليوم لان بشرتى جافه الى مختلطه ولكن لو واحده بشرتها دهنيه ممكن تستخدمه مرتين باليوم صبح وليل .

احب استعمله بالليل عموما افضل المقشر بعد ازاله المكياج عشان اتاكد ان بشرتى نضفت كويس جدا .
مع الاستخدام يعطى احساس بارد منعش حبيته و بحس بعده ان بشرتى بتتنفس و نضيفه بعمق .
بعد الاستخدام بشرتى بتكون ناعمه و مش جافه ابدا.
خلال الشهر الى استخدمته فيه حسيت بتحسن ملحوظ سواء فى ظهور حبوب جديده او فى ان العلامات القديمه للحبوب قلت كتير .

المكونات :
حبيت صور المكونات عشان لو حد عنده حساسيه من اى عنصر ياخد باله بس من اهم مكوناته سالسيلك اسيد و ده بيساعد كتير فى التقليل من الحبوب.

Aqua, Cetyl Alcohol, PPG-15 Stearyl Ether, Glycolic Acid, Glycerin, Steareth-21, Salicylic Acid, Polysorbate 60, Polyethylene, C12-15 Alkyl Lactate, Sodium Hydroxide, Cera Microcristallina, Panthenol, Cucumis Sativus Extract, Camellia Oleifera Extract, Cetyl Lactate, Stearyl Alcohol, Butylene Glycol, Menthol, Sodium Benzotriazolyl Butylphenol Sulfonate, Potassium Cetyl Phosphate, Cocamidopropyl PG-Dimonium Chloride Phosphate, Xanthan Gum, Sodium Chloride, Isopropyl Alcohol, Disodium EDTA, Lactic Acid, Tocopherol, BHT, Benzalkonium Chloride, Parfum, CI 77289, CI 42090, CI 19140.

السعر :
حوالى ثلاثين ريال متوفر فى بنده و بوتس و صيدليات زى النهدى و الدواء .

اوقات بيكون عليه خصم بيكون سعره عشرين ريال .

الخلاصه:
المقشر بشكل عام حبيته و استمتعت باستخدامه و لما يخلص اكيد بكرره مره تانيه .

* المنتج ارسلته لى شركه tishtash  بغرض  تجربته و انى اقول رائي فيه و ده مش بيأثر ابدا على مصداقيه الريفيو كل ارائى فى المدونه بتكون صريحه و معتمده على تجربه حقيقيه للمنتجات .

ليست هناك تعليقات:

إرسال تعليق

للاعلان على المدونه

للاعلان على المدونه