الأحد، 11 مايو، 2014

ريفيو: لانكوم VISIONNAIRE سيروم مصحح:

لانكوم من الماركات الى سعرها غالى شويه لكن معروفه إن جودتها تستحق سعرها وفى المكياج ممكن ألاقى بدائل أرخص لكن فى منتجات العنايه بالبشره صعب عليا إنى أصدق إن المنتج الغالي بيدى نفس نتيجه المنتج الرخيص ماعدا المرطب العادى احس إنى  ممكن الاقى بديل الاخص و يدى ترطيب الى انا محتاجاه لبشرتى .









كنت أدور على سيروم معالج يعالج أثار قديمه فى بشرتى بقع بسيطه غامقه و أكتر حاجه كانت مسببالى ضيق هى التجاعيد إلى بدأت تظهر فى الجبهه و حول الفم لأنى لسه موصلتش  تلاتين سنه .

أماكن الشراء :
متوفر فى محلات المكياج الكبيره سيفورا - فافافووم - وجوه
 اشتريته من وجوه لان كان عليه عرض شجعنى انى اشتريه هوالمجموعه الى بالصوره كان نازل بمناسبه السنه الجديده.










التغليف:
متوفر منه أحجام مختلفه 30-50-75 مل 
العلبه شكلها جميل و فخم و بتتحمل الصدمات لأنها مش زجاج هى بلاستك قوى كمان لاحظت إنه مش سهل الخدش .
العلبه طويله و ليها غطاء بالضغط محكم وليها ضاغط pump سهله الإستخدام و سهل التحكم فى الكميه إلى بحتاجها .



وظيفه المنتج:

يقوم بإعادة برمجة البشرة بوضعية "التصحيح التلقائي".

تتلاشى التجاعيد، وتتناقص احمرار البشرة وعدم تناسق سطحها، وتضيق المسامات 


الواسعة:بشرة جميلة جداً حتى قبل البدء بوضع الماكياج.

يستخدم ليلاً ونهاراً، طوال السنة، حتى فوق منطقة محيط العينين الحساسة، 


الكلام ده من موقع لانكوم .


القوام :
ناعم و سهل الدمج مع البشره لونه لؤلؤى بعطى رونق و صحه للبشره بمجرد الاستخدام كميه بسيطه منه تكفى الوجه كامل و استخدمه كمان حول منطقه العيون و فوق الجفن مش بحتاح معاه كريم عيون .
فيه ترطيب مخملى مش بحتاج معاه اى مرطب تانى حتى لو استخدمته كريم ليل ترطيبه كافى لبشرتى المختلطه الى جافه .

لما استخدمه قبل المكياج و بعد التونر يخلى اى كريم أساس سهل التوزيع و سهل الدمج و يخلى وشى صحى كانى نمت فتره كفايه ووجهى يكون مرتاح .
ريحته ناعمه حبيتها و مش مزعجه .






نتائجه:
-استخدمته لمده شهرين بشكل شبه متواصل و كانت نتيجته هايله الخطوط إختفت بشكل كبير خصوصا حول الفم اختفت تماما انا مكونتش ابدا اتصور انه ممكن فعلا يشيل التجاعيد لانى دايما عندى فكره ان التجاعيد لو ظهرت صعب علاجها و كمان مظرتش ليا اى خطوط تانيه .

-العلامات القديمه كان تاثيره عليها بسيط خصوصا اثار الحبوب لكن فتح منطقه الدقن شويه .

-لون بشرتى بقي متجانس و فيها صحه و حيويه و ملمسها انعم حتى لو مستخدماه يعنى تاثيره على نعومه البشره تاثير دائم مش موقت .

-مع اول استخدامى للسيروم ظهرت حبوب بسيطه لكن المندوبه قالتلى ان ده شئ عادى و استمرى عليه و فعلا الحبوب ما زادتش لكنها اختفت مع الاستخدام و مظهرتش ليا تانى و كمان ماتركت اى اثر.

 -مكنش عندى احمرار عشان اقدر احكم عليه بالنقطه دى .

-بالنسبه للمسام قلت بشكل بسيط جدا يكاد يكون غير ملحوظ .


الخلاصه :
يستحق المدح و يستحق كل ريال من تمنه حبيته و اكيد لما اوصل لنصف العبوه هشترى منه تانى .

ليست هناك تعليقات:

إرسال تعليق

للاعلان على المدونه

للاعلان على المدونه