الأربعاء، 6 يناير 2016

ريفيو: برايمر ريفلون فوتو ريدى

السلام عليكم بنات انهارده حبيت اتكلم عن برايمر ريفلون فوتو ريدى اشتريته من سنتر بوينت لانى كنت ادور على برايمر جديد لان مجموعه البرايمر الى عندى قربت تخلص و البرايمر ده شئ اساسى بالنسبه ليا قبل كريم الاساس لانه بيفرق كتير جدا خاصه لو فى مسام او خطوط خفيفه او الايام الى فيها اجهاد و البشره بتكون باهته او مرهقه .





البرايمر هو عباره عن مرحله بعد الكريم المرطب و قبل كريم الاساس او الباودر بيساعد كتير فى ان الاساس يندمج بسهوله و يبان طبيعى على البشره و كمان بيزيد من ثبات المكياج .
 
-التغليف :
 
عباره عن علبه زجاج شكلها بسيط و الاهم انه فيها طاغط (بامب)
و ده عجبنى فيها لانها مريحه و سهل اتحكم ف الكميه الى محتاجاها و ليها غطا شفاف فوق .
-المنتج:
عباره عن سائل خفيف بين الكريم و الجيل لونه وردى فاتح جدا يكاد يكون ابيض .
ملمسه ناعم و خفيف و سهل المد على البشره مش حاسه انه فيه سيليكون زى معظم البرايمر الى بتكون شفافه شويه.

-الاستخدام :
خفيف على البشره مش حاسه انه بيسد المسام بالعكس البشره بتتنفس .
بخلى البشره صحيه و فيه نسبه تصحيح بسيطه لبهتان البشره المرهقه .
بيغطى المسام بنسبه بسيطه مش قوى فى تغطيه المسام مقارنه ببرايمر بنفت بورفيشنال .
بخاى البشره مطفيه  بشكل طبيعى مش مبالغ فيه .
ممتاز فى تحسين شكل كريم الاساس و الكونسيلر و زياده الثبات .

عيوبه:
سعره 85 ريال عتبره غالى نسبه لانه ماركه drugstore (صيدليه).
الغطا الشفاف حاسه انه مش قوى ممكن بسهوله يتفك من العلبه و الضاغط مش هيكون محمى بالتالى ممكن لو مسافره بيه فى شنطه يبهدل الدنيا .
عيب تانى انه بينشف جوه البامب يعنى اول ضغطه من البرايمر بتكون ناشفه زى الصوره كده.
 


هناك تعليق واحد:

Unknown يقول...
أزال أحد مشرفي المدونة هذا التعليق.

إرسال تعليق

للاعلان على المدونه

للاعلان على المدونه